280
శ్రీరామాయణము
చిచ్చైనఁజొచ్చును - చెప్పితి వేని
యడిగినచోఁ బ్రాణ - మైన నీకిచ్చు
నెడసేయఁగా నేరఁ - డెదురాడవెఱచు
నీచక్కఁదనమును - నీ విలాసములు
నోచెలి! యెఱుఁగలే - కున్నావు గాక 900
ఏమిచెప్పినఁ జేయఁ - డే సొమ్ములైన
కామించి యీవచ్చుఁ - గైకోకుమీవు
చలపట్టి యీరెండు - సంకల్పములును
వెలుతులుఁ దీఱక - విభుఁ జేరఁబోకు
అటులైన శుభముల - నందుదువీవు
ఘటియించు రాజ్యభో - గము భరతునకు
భరతుండు దొరయైన - బంధు లహితులఁ
బరివారములఁ జేరఁ - బట్టిరక్షించు
లాలనరూఢ మూ - లంబుగా నవని
పాలించు మితికట్టు - పదునాలుగేండ్లు 910
ఆపయి వచ్చియే - మనువాఁడు రాముఁ
డాపదలనుఁ బొంది - యడవిపాలైన
మఱలనేరఁడు పేరు - మాత్రంబు లేకఁ
గరఁగిపోవును దిన - క్రమములచేత
నంత నకంటక - మైన రాజ్యమున
సంతోషమున నుండ - జాలునీ సుతుఁడు
వెఱవకీ వరములు - వేఁడుము నీవు
మఱవకు" మనిపల్కు - మందరబుద్ధి
చెవినాని దాని నీ - క్షించి దుర్భుద్ధి
నవశాత్మయై కైక - యతనూజ వలికె. 920
