అయోధ్యాకాండము
279
కోపించి దశరథ - క్షోణీశ్వరుండు
చాపంబుఁ గైకొని - శరపరంపరల
దానవేంద్రునితోడ - తలపడి పోరి
వాని వేటునఁ బెంపు - వదలి మూర్ఛిల్లి
యరదంబుపై వ్రాల - నప్పుడు తేరు
మఱలించి నీవు క్ర - మ్మర సేదఁదేర్చ
మెచ్చి యప్పుడు నీకు - మేదినీనాథుఁ
డిచ్చెఁ దా నొక వరం - బిటు లెచ్చరిల్లి
క్రమ్మరనె సనియె - కలన సారథియు
సొమ్మసిల్లిన నీవు - సూత్రకృత్యంబుఁ 880
గావించి విభు తేరు - గడపుచు మదికి
నీవ చేవలు మెర - యించిన మెచ్చి
అపుడొక్క వరమిచ్చి - యడుగుమీ వనిన
నిపుడేల నడిగెద - నెపుడైన ననుట
మఱచితివీ వేమొ - మఱతురె యేను
మఱువలే దది యభి - మతము నీకిపుడు
ఆ వరంబులు రెండు - నడిగి రాఘవుని
కావరం బడఁగించి - కానల నుంచి
భరతునిఁ గట్టించు - పట్టంబు నీకు
పరిణామమొందుము - పలికినపలుకు 890
తప్పఁడెన్నడు మన - దశరథనృపతి
యెప్పుడు నీయెడ - హితుఁడైన వాఁడు
అలక యింటికిఁ బోయి - యవ శయనించి
పలుకకయుండుము - పతి వచ్చినపుడు
మచ్చికఁ దాపండు - మనసెందు నీకు
