అయోధ్యాకాండము
261
తాలిచి మౌనంబు - తనమేలువార్త
యాలించి ముదమొందు - నట్టి కౌసల్య
యింటికి తా నపు - డేఁగి సుమిత్ర
పంటవలంతి వెం - బట్టి లక్ష్మణుఁడు
యీవార్త విని వచ్చి - యెల్లవేలుపుల
భావంబులఁ దలంచి - ప్రార్థనల్ సేయు
వారలతోఁ గూడి వసి - యించుఁదల్లి
నారాఘవుఁడు చేరి - యలరుచుఁ బలికె.
"అమ్మ! మాతండ్రి రా - జ్యాభిషేకంబు
సమ్మతిగావింప - సమకట్టినన్ను 440
నుపవసింపుము సీత - యును నీవుననియె.
అపుడు వసిష్ఠాదు - లైనట్టి మునులు
మనప్రధానులు నిట్టి - మాటాడి నన్ను
పనిచిరి గాన తె - ల్పంగ వచ్చినాడ
శృంగార మొనరింపు - సీతను మాకు
మంగళాకార సం - పద లాచరింపు
తామసింపకు" మని - తనయుండు వల్క
నా మానవతి పర - మానందమంది
మున్ను తానోచు నో - ములు పండెననుచుఁ
గన్నుల బాష్పాంబు - కణములు తొలక 450
"అన్న! చిరంజీవి - వైరాజ్యమెల్ల
మన్ననఁ బాలింపు - మనుజేశు కరుణఁ
బట్టాభిషేకవై - భవములు పొందు
మెట్టునమ్మిన వారి - నెల్లరక్షింపు
