బాలకాండము
175
ముచ్చటమోకాళ్లు - ముణిచిమ్రొక్కుటయు
కరుణించి యేమని - గాధేయుఁ డడుగ
చరణముల్ చూచి త్రి - శంకుఁడువల్కె
“గురుఁడును గురుపుత్ర - కులు చేతఁగాక
పరిహరించిన యేను - పట్టినపూన్కి
వేఱొక్కమౌనుల - వేఁడి యా వెలితి
తీరుతునన్న నెం - తే కోపగించి 4220
“మాలవుగమ్మ” ని - మదిలోనకరుణ
మాలి శపింప ని - మ్మైలవాటిల్లె.
నోచి యేఁజేసితి - నూఱుజన్నములు
ప్రోచితి నీతిచేఁ - బుడమియంతయును
పారంగఁదోలితి - పరిపంధినృపుల
భూరివైభవరాజ్య - భోగముల్ గంటి
కొలిచితి భక్తిచే - గురుదైవతముల
వెలయని యత్నముల్ - వృథగాఁగఁజనియె,
తనయదృష్టంబుచే - దైవయత్నంబు
“కొనసాగె విధిప్రతి - కూలమౌ కతన 4230
కౌశిక! నాదుదు - ష్కర్మానుభవము
నీశక్తిఁబ్రోచియీ - నెగులు వారింపు
దైవంబు గెలువుము - దయఁజూడు మనిన"
భూవరుతో గాధి - పుత్రుఁడిట్లనియె,
—: త్రిశంకు నిమిత్తము విశ్వామిత్రుఁడు యజ్ఞ ప్రయత్నముఁ జేయుట :—
యేనున్నవాఁడ నీ - కేలభయంబు?
మానుము నీయభి - మానఖేదములు
