128
శ్రీ రామాయణము
జనపతి పిలిచి దీ - క్ష వహించి నాఁడ
నాకుఁబోరాదునా - నాప్రయత్నముల
మీకుఁదోఁచిన యట్ల - మేదిని యెల్ల
యోజనంబున కొక్కఁ - డోడక వెదకి
తేజిఁదెచ్చినఁగాక - తిరిగిరావలదు. 3090
మాయొద్ద నీయంశు - మంతుఁ డుండెడును
పోయిరండని" పల్కి - భూపాలుఁడనుప
సగరులువచ్చిభూ - చక్ర మంతయును
తగురీతి వెదకి వృ - థా ప్రయత్నములఁ
గసికలు పారలు - గడ్డపొరలును
ముసలముల్ దాల్చి - కమ్ముక పరిగట్టి
యిలయెల్లఁద్రవ్వుచు - నెదురైనచోట
బలురక్కసులను స - ర్పములను ద్రుంచి
కొండలతోఁగూడ - కుంభినియెల్ల
చండించి త్రవ్వి దు - స్సహ వృత్తి మెలఁగ 3100
భూతకోటులు పరా - భూతులై చాల
భీతిల్లి కూయిడ - బెగడి దేవతలు
థాతసన్నిధికేఁగి - ధరణికినైన
యీతిదెల్పిన వారి - కిట్లని పలికె.
"తురగంబుఁ గొనుచు నిం - ద్రుడువోయి కపిలు
మఱగునఁగట్టి నె - మ్మది నిల్లుచేరె.
ఈజగద్రోహు లా - యిరవున కేఁగి
యాజటివర్యుకో - పానలార్చులకు
నిగురుగానున్నారు - నిమిషంబులోన
సగరుల కవసాన - సమయంబు వచ్చె 3110
