బాల కాండము
101
కామరూపమును - సుఖస్వరూపములు
శ్రీమూర్తిమంతముల్ - శ్రీ కారణములు
జపియింపు" మనుచు వి - శ్వామిత్రుఁ డనిన
జపియించె శ్రీరామ - చంద్రు డన్నియును.
ఆవేళనస్త్రంబు - లాకృతుల్ దాల్చి
పావకమూర్తులు - పాటిల్లఁ గొన్ని
నీలనీలప్రభా - న్వితములైఁ గొన్ని
జ్వాలలతోఁ గొన్ని - సమదాట్టహాస
కలనలఁ గొన్ని భీ - కరములై గెలుపు
పలుకులతోఁ గొన్ని - పగ్గెలఁ గొన్ని 2440
యంగారసదృశంబు - లై కొన్ని ధూమ
లాంగంబులైఁ గొన్ని - యర్కతేజమునఁ
గొన్ని చంద్రప్రభఁ - గొన్ని యీరీతి
నన్నియు వెలుఁగుచు - నంజలుల్ చేసి
“పనిగొమ్ము మమ్ము నీ - పనుపుచేసెదము.
మునినాథుఁ డొసంగె మ - మ్ముఁ బరిగ్రహింపు
దాసుల మేము నీ - దలఁచుఁగార్యములు
చేసివచ్చెదము నీ - క్షింపుమమ్మ" నిన
శ్రీరాముడన్నియుఁ - జేపట్టినాదు
వారలై యేను గా - వలసిన యపుడు 2450
రండు మీరు మదంత - రంగంబులోన
నుండుడంచును పర - మోదారుఁడైన
యారామవిభుఁడు - భృశాశ్వపుత్రులను
నూరుగురిని లక్ష్మ- ణునికి తా నేర్పి
యవ్వలంజనుమ న - త్యాశ్చర్యమొకటి
