60
శ్రీరామాయణము
యనఘ యాగము - నకు నంగంబులైన
నతిరాత్ర మాయువు - నభిజిత్తు విశ్వ
జితియు జ్యోతిష్టోమశి - వనామకంబు
నరయ నప్తోర్యామ - మను షడంగముల
మెఱయుయాగము లశ్వ - మేధంబులందు
నొనరించి యీరీతి - హోతకుం దూర్పు
తనరంగ బ్రహ్మకు - దక్షణోర్వియును1450
నరనాథుఁ డధ్వర్యు - నకుఁ బడమరయుఁ
గరిమ నుదీచి యు - ద్గాతకు నొసంగె
నజపుత్రుఁ డాసము - ద్రాంతమౌ జగతి
యజునికట్టడదక్షి - ణార్థంబుగాఁగ
నపుడు ఋత్విక్కు లా - యవనీశుఁగాంచి
యపరిమితప్రీతి - నంది యిట్లనిరి.
రాజన్య! యేమెల్ల - రాజ్యంబు సేయ
నేజాడ నేర్తుమే - యింతయెకాక
స్యాధ్యాయమో? తీర్థ - యాత్రలో? కాక
యధ్యాత్మచింతయో - యవనియేలుటలు1460
తాపసోత్తము లేడ? - ధరయేలు టేడ?
యోపమీ గొడవల - కొకమాటవినుము
క్రయమిచ్చి మాచేతఁ - గైకొను ముర్వి
రయమున నన దశ - రథమహివిభుఁడు
కోటియావులు పది - గోటుల టంక
వాటంబు లట్టిద్ర - వ్యము నలుమడిగ
వెండి యందుకురెట్టి - వివిధరత్నముల
వెండియు వస్తువుల్ - వెలగా నొసంగి
