పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/276

చతుర్థాశ్వాసము

269

⁠

గరుజన్నిదంబు భుజమునఁ గరము ప్రకాశింపఁజేసి కమలాక్షుఁ డొగిన్.

⁠ 246

తే.⁠

కనకమయ మగుసున్నపుఁగాయ వక్క లాకులును వస్త్రమున సొబ గలరఁ గట్టి కక్షమం దుంచి కోదండకాండములను బరఁగఁ జేబట్టె నప్పుడు హరి ముదమున.

⁠ 247

శ్రీనివాసుఁడు వేఁటాడుట

సీ.⁠

దైవయోగంబునం దనసమీపమునకు         నురుతరజవనాశ్వ మొకటి వచ్చి నిలువఁగ దానిపై నీరజాక్షుం డెక్కి         చని వనగిరులందు సంచరించి సారంగభల్లూకచమరీశరభసింహ         శార్దూలముఖమృగసంఘములను వేఁటాడుచుండె నావేళ నందొకమద         కరి చక్రి నెదిరించె గహనమందు

⁠

తే.⁠

దాని సమయింప సమకట్టి దానివెంట నరుగ నది పర్వతము డిగి యరిగెఁ జక్రి తఱిమె వెంబడి యోజనార్ధంబు వోయి చేరెఁ బద్మావతిగలశృంగారవనము.

⁠ 248

తే.⁠

చెంగటం జేరి ఘీంకృతిఁ జేయ గజముఁ జూచి పద్మావతీదేవి చొప్పరయుచుఁ జెట్లచాటునఁ జేరఁగఁ జెలులు నట్ల చేరి యిట్లని పల్కిరి చిత్రపడుచు.

⁠ 249