పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/125

శ్రీరస్తు

శ్రీవేంకటాచలమాహాత్మ్యము

తృతీయాశ్వాసము

క.⁠

శ్రీకర! నిర్జరమౌనివ శీకర! సద్భక్తహృదయశృంఖలయభవా ! రాకేందువదన! శుభకర! ప్రాకటతఱికుండనృహరి! పాపవిదారీ!

⁠ 1

సీ.⁠

ఓసూత మేము బ్రహోత్సవక్రమము న         త్యాశ్చర్యముగ వింటి మపుడు విష్ణు చక్రంబు బహుచోరసంఘంబులను నిగ్ర         హించె నంటివి వారి నెట్లు ద్రుంచె నారీతి విన వేడుకైనది దెల్పు నీ         వనిన సూతుండు సంయములఁ జూచి మునులార వినుఁ డక్కథను వివరించెద         నాచక్రమహిమ విఖ్యాతిఁగాను

⁠

తే.⁠

చక్రరాజంబు మాధవాజ్ఞను వహించి సంతసము మీఱ రాజవేషంబు దాల్చి యరిగి జగములు భయమంద నమితశౌర్య మును గడంగి దిశ ల్కీర్తి దనర నపుడు.

⁠ 2