ఈ పుట అచ్చుదిద్దబడ్డది
28
శ్రీరమా పరిణయము
బొరిఁబొరిఁ దృప్తిగా - భుజియించి లేవఁ,
పరిశుద్ధముగఁ గర - ప్రక్షాళనములు 520
వెరవొప్ప నయ్యె; నా వేళ నందఱికి,
విలసిత లీలల - విడెము లిప్పించి,
తలకొని యిష్టక - థా వినోదముల
సలలిత వేంకటా - చల వాసుఁ డనఁగ
నలువొప్పు తరిగొండ - నారసింహుండు
అమిత సంతోష మ - గ్నాత్ముఁడై చెలఁగి
కొమరొప్పఁగా నందుఁ - గొలువు గూర్చుండె.
కనక కలశ చౌర్యము - కన్యక అభ్యర్థనము
శ్రీ వేంకటేశుఁ డా - శ్రిత జనావనుఁడు
పావనాచారుఁడు - - బ్రహ్మాండమయుఁడు
పన్నగ శయనుండు - భవ విదూరుండు 530
నన్నేలు తరిగొండ నారసింహుండు
అంత నచ్చట నుండి - హాటకకలశ
మెంతయుఁ బ్రీతితో - నెలమి నెత్తుకొని
వేఱొక్క విడిదికి - వేడ్కతో నరిగె;
నా రీతిఁ దెలిసి గం - గాదు లైనట్టి
సాగరాంగన లెల్ల - సకలోత్సవముల
వేగ శ్రీలక్ష్మిని - వెంటఁ బిల్చుకొని,
