శృంగారశాకుంతలము
ద్వితీయాశ్వాసము
శ్రీ సదన సదారాధిత
వాసుకికేయూర వంశవర్ధన వినయా
వాస పయోజాసనక
న్యాసఖకీర్తి ప్రసన్న నాగయ వెన్నా!1
వ. ఇత్తెఱంగున దుష్యంతమహీకాంతుండు సంతోషంబున ఘోషంబున నా
రాత్రి నిలిచి మఱునాఁడు సూర్యోదయం బగుటయుఁ గల్యకరణీయం
బులుం దీర్చి లావరుల నేర్చి కదలి.2
చ. మెకములఁ బట్టఁ గట్టి వలమీటి చనం జననీక యాఁగి [1]తెం
కికిఁ జనఁజేయ బోనునకుఁ గీడ్కొలుపం బయి వచ్చెనేని ద
ప్పక పొడువంగ నేర్పు ఘనబాహుబలం బుసు గల్గి [2]నేటు వేఁ
టకు నెఱవాదులైన సుభటప్రకరంబులు మ్రోల నేఁగఁగన్.3
క. ముదమును మదమును మనమున
గుదిగొన గోష్ఠంబుఁ గడచి కొండొకచని య
ల్లదె యిదె కాంతారంబన
నెదురం జూపట్టుదాఁక నేఁగగ నచటన్.4
సీ. ఛాయామృగంబుల వ్రేయ గర్జిల్లఁ బ్ర
చండమై పొడము భేరుండరవము
భేరుండనినదకంపితములై పాఱెడు
శరభసంతతిసాధ్వసస్వనంబు
