ద్వితీయాశ్వాసము
73
సీ. పిలువవచ్చినఁ బోక నిలిచి యేటికి నింతి
పుట్టువుఁ దెలియ దుర్బుద్ధి పుట్టెఁ
బుట్టనీ యతఁ డేల పూర్వాపరంబులు
సూచించి విడువక జోలిపట్టెఁ
బట్టనీ గమనసంభ్రమవేళ శార్దూల
మదరిపాటున నేల యడవి సొచ్చె
జొచ్చిరానీ మాటు సుద్దిపంపకయుండఁ
జనుదెంచె నేటికి జరమసంధ్య
తే. విఘ్నములు పెక్కు లిటు సంభవింపఁజేసి
తెఱవఁ గని కన్నులాఁకలిఁ దీర్పకుండ
నదయుఁడై విధి కంచము మొదలివాని
లేశమంతయుఁ గృపలేక లేవనెత్తె.165
క. అని దైవము దూఱుచుఁ
దనమనమెల్లను గొల్లఁగొనిన మానిని తరుసే
చనచర్యలు నలసవిలో
చనముఖభావములు మానసము నలరింపన్.166
ఉ. మజ్జనభోజనక్రియలు మాని వలాని యరోచికంబునన్
ఖజ్జము గొంతకొంత కసిగాటులుగా భుజియించి యెవ్వరిం
బజ్జను జేరనీక తనభావము లోపల దాఁపురంబుగా
సజ్జకుఁ జేరియుండె నృపచంద్రుఁడు సాంద్రవియోగవేదనన్.167
క. ఆవేళ హస్తినగర
క్ష్మావల్లభుఁ డున్నయెడకుఁ జనవునఁ జేరం
గావచ్చిన మాండవ్యుఁడు
భావము దెలియుగవలసి బరిహాసోక్తిన్.168
క. వనమునకు నొంటి యరిగితి
జననాయక యచట మనను శంకించెనొ య
