70
శృంగారశాకుంతలము
వ. కాంచి యది విశ్వామిత్రవీర్యం బగుట నార్యజనసేవితుండగు కణ్వ
మునీంద్రుండు గాధిపుత్రునిమీఁది మైత్రియుఁ, దల్లి తొఱంగునిసుంగుమీఁది
కారుణ్యంబును బెనఁగొన నావేల్పుంబూఁప నొక్కశిష్యునిచేతి కిచ్చి,
యాశ్రమంబునకుం దెచ్చి, శకుంతరక్షితయగుటయు శకుంతలయను
నామంబు వెట్టి, ప్రేమంబునం బెనుపుచున్నవాఁ డన్నప్రదాతయు,
నభయప్రదాతయు నీయిద్దఱుం గన్యలకు గురువులై రీరెండుదెఱం
గులు నమ్మునిపుంగవుని యంద కలిగెఁ గావున నతండు తండ్రియు
నయ్యింతి కూఁతు రయ్యె, నిది శకుంతలావృత్తాంతం బని యాద్యంతంబును
నెఱింగించిన మహీకాంతుఁడు నితాంతసంతోషంబు నొందె నంతట నూష్మ
కాంతుండును జరమగిరిశిఖరంబునకు బంధూకపుష్పమంజరియుంబోలె
గెంజాయ నలంకరించె.149
గీ. అపుడు భూపతి విప్రుని నాదరించి
చరమసంధ్యావసర మయ్యె సంయమీంద్ర
కన్యకలు చెప్పి పుత్తేరఁ గాదనంగ
రాదు నడువుము వేగమ పోద మనుచు.150
శా. శంకాతంతువుఁ ద్రెంచి యీ వడుగు దాఁ జక్షుఃప్రియం బొప్పగాఁ
గొం కొక్కింతయు లేక నిర్భయుఁడనై కోర్కెల్ కొనల్ సాగఁగా
నింక న్నా కొకమాటు చూడఁగలిగెన్ హేలాశరత్పూర్ణిమా
పంకేజాహితబింబచారుముఖబింబశ్రీకబింబాధరిన్.151
మ. అని చింతించుచు సంతసించుచు రయం బారంగ సారంగలాం
ఛనవంశాగ్రణి యేఁగుచో జటులవర్షాకాలకాలాంబుద
స్తనితధ్వానపథాధ్వనీనగళగర్తక్రోడనిష్ఠ్యూతని
స్వననిర్భగ్ననితాంతశాంతబహుసత్వస్వాంతకాంతారమై.152
క. శైలద్రుమచరదేణీ
జాలోదరదళనకేళిసమయాతిగళ
త్కీలాలసిక్తదంష్ట్రా
భీలనఖం బగుచు నొక్కబెబ్బులి వచ్చెన్.153
