66
శృంగారశాకుంతలము
తామ్రపర్ణఖ్యాతిఁ దనరారు ముత్యాల
యేటి యంబువులలో నీఁదులాడి
తే. విరహిజనముల హృదయకోటరములందు,
రాఁజు మదనానలము మించ రవులు గొల్పి
గాధిపుత్రుండు దపమున్న కాననమున,
నల్లనల్లన వీచె మందానిలుండు.132
వ. ఇత్తెఱంగున సంతోషితసకలజనస్వాంతంబగు వసంతంబు సనుదెంచిన
నుల్లసితపల్లవంబును, నుదారకోరకంబును, నుత్ఫుల్లకుసుమంబును,
నున్నతస్తబకంబును, నుద్గతమకరందంబును, నుద్ధూతపరాగంబును,
నుదంచితఫలంబును నై చైత్రరథమునకుం బ్రత్యాదేశంబును, నందనంబు
నకుం బ్రతిచ్ఛందంబును నగు విశ్వామిత్రునాశ్రమవనంబున మనంబు
లలర నలరువిలుకాఁడు సహాయంబుగా విహారవిలాసినులు పుష్పాప
చయంబు సేయం బూని.133
క. దలదరుణతరుణకిసలయ
విలసత్ఫలభరితవిపినవీథీవిచర
త్కలకంఠశారికాశుక
కులకంఠధ్వనులు చెవులకున్ జవు లొసఁగన్.134
గీ. వలవుగాడుపు లూర్పులఁ గలసి వెలయ
దుమ్మెదలుఁ గుంతలమ్ములుఁ దొట్రుకొనఁగ
బువ్వులును నవ్వులును గూడి పొత్తు గలగి
విరులు గోయ దొడంగి రవ్వేళ యందు.135
ఉ. ఆసవగంధులైన వదనానిలముల్ పయిఁ బ్రోది సేయఁగా
గోసినకంటె వేగమునఁ గోసినవృంతమునందుఁ బుట్టగాఁ
గోసె మనోజ్ఞమూర్తి యొకకోకిలభాషిణి నిండువేడుకన్
డాసి వయస్యలెల్లఁ బొగడ [1]న్బొగడ న్బొగడప్రసూనముల్.138
- ↑ బొగడం బ్రసూనముల్
