పుట:శృంగారనైషధము (1951).pdf/78

ద్వితీయాశ్వాసము

61

⁠

చండదీధితికరజ్వాలమండలములోఁ         బ్రోదిఁ బొందినమహోగ్రుండు వీఁడె బాడబంబును దానుఁ బాథోధికుక్షిలో         పరిపొత్తు మన్నదుర్జాతి వీఁడె

⁠

తే.⁠

సైంహికేయనిశాతదంష్ట్రావిటంక విషరసప్రతిపాకభావితుఁడు వీఁడె గగన మనురుద్రభూమి నేకతమ తిరుగు నదరు లుమిసెడికొఱవిదయ్యంబు వీఁడె.

⁠ 122

సీ.⁠

జననకాలమునాఁడు జలరాశికుక్షిలోఁ         దరిగొండ పొరివోవఁ దాఁకెనేని గ్రహణవేళలయందు రాహు వాహారించి         తృప్తిమై గఱ్ఱునఁ ద్రేఁచెనేని విషమనేత్రుఁడు చేతివిష మారగించుచోఁ         బ్రతిపాకముగఁ జేసి త్రావెనేవి సపరపక్షము పేరి యపమృత్యుదేవత         యొకమాటుగా నామ ముడిపెనేని

⁠

తే.⁠

కుంభసంభవుఁ డబ్ధితోఁ గూడఁ గ్రోలి తజ్జలముతోడ వెడలింపఁ దలఁపఁడేని విరహిజను లింత పడుదురే వీనిచేత? నక్కటా! దైవ మటు సేయదయ్యెఁ గాక.

⁠ 123

తే.⁠

ప్రాణసఖులార! వెన్నెల బయలి కిపుడు మించుటద్దంబుఁ గోలయుఁ గొంచు రండు చోరుఁ డలచంద్రుఁ డద్దంబు సొచ్చినపుడు వంచనము లేక వ్రేయుఁడీ పొంచియుండి.

⁠ 124