పుట:శృంగారనైషధము (1951).pdf/260

సప్తమాశ్వాసము

243

ఆ.⁠

గగనమండలమునఁ గాలాయసపుఁదేర మాలకాకి పడగ దూలి యాడ ద్వాపరంబ దానుఁ దన్మధ్యవర్తియై వచ్చువాని నీలవర్ణదేహు.

⁠ 92

సీ.⁠

కఱకు లై పెరిగినకుఱువెండ్రుకలతోడఁ         బట్టయౌదలఁ గావిపాగ యమర నిగిడి పూఱేకు బాగుగఁ గత్తిరించిన         గడ్డంబుకొన రొమ్ముఁ గమ్మిరింప బండికందెనతోడఁ బ్రతివచ్చు మైచాయ         నీలిపచ్చడముతో మేలవింప నవరత్నచందనద్రవకల్పితం బైన         నూత్నత్రిపుండ్రంబు నొసల నొప్పఁ

⁠

తే.*⁠

గోఱమీసలు మిడిగ్రుడ్లు కుఱుచపొడవు డొప్పచెవులును గొగ్గిపండులును గలిగి యున్న మద్గ్రీవుఁ డై వచ్చుచున్నవానిఁ గలిమహారాజుఁ గనిరి దిక్పాలవరులు.

⁠ 93

క.⁠

హేలాబృందారకుఁ డగు నాలవయుగరాజు గాంచి నయనాంబుజముల్ వ్రాలిచిరి నిర్జరేంద్రులు మాలనిఁ గనుఁగొన్న యుత్తమద్విజులక్రియన్.

⁠ 94

తే.⁠

ప్రౌఢగురుకోపరీఢావలీఢుఁ డైన యాత్రశంకుండువోలె జంభారియెదురఁ గాంతిసంపద గోల్పోయి కలియుగంబు సాధ్వసాతిరేకంబున జలదరించె.

⁠ 95