పుట:శుకసప్తతి (పాలవేకరి కదిరీపతి).pdf/486

వ. అప్పు డప్పార్థివపుణ్యదంపతులు పరస్పరపరమస్నేహంబున చందచంద్రికాప్రకారంబున కుసుమసుగంధన్యాయంబున రత్ననిర్యత్ప్రభావంబునం బ్రవర్తిల్లుచు నుండునంత నక్కాంతారత్నంబు వెండియు. 265

చ. అలుక ఘటించ దెంత పనియైన మనంబున, నొవ్వ జల్లుగాఁ
బలుకదు చేటికాంగనల పట్టునకైన, విభుండు గోరిన
ట్లలవడ సేవ సేయు సమయం బెటువంటిదియైన రాజకాం
తలు తనతోడివా రిది గదా కులధర్మ మటంచు నెంచగన్. 266

వ. ఇంతియె కా దాకాంతాతిలకంబు నిరవధికసౌభాగ్యంబు దెలియ నొకనాఁడు నిజాంతఃపురవరారోహాసహస్రంబులు గొలువ నాళీజనంబులతో నిష్టాగోష్ఠి విహారంబులు సలుపుచున్న యెడ. 267

సీ. ఒకబాలచంద్రఖండకళాలయకపోల
నీరుమోసిన వింతతీరుఁ జూచి
యొకచాన సంతతానికదానగజయాన(?)
పురుఁడోమఁగ రహించు హరువుఁ జూచి
యొకకాంత కుందకోరకకాంత(రచయుక్త)
బాలింతయైయున్న బాగుఁ జూచి
యొకభామ వికచచంపకదామతనుధామ
బిడ్డ నర్మిలిఁ బ్రోచు బెడఁగుఁ జూచి
గీ. యతిశయానందకరము పుత్రాప్తి కంటె
వేఱె యొక్కటి గలదె భావింప ననుచు
ననుఁగు నెచ్చెలిపిండుతో నవ్వధూటి
వేడుక రా లరముచ్చట లాడియాడి. 268