పుట:శివరాత్రి మాహాత్మ్యము.pdf/34

గీ.⁠

భద్రజాతి యేనుంగు లప్పట్టణమునఁ బ్రకటితస్ఫూర్తి నొప్పు సిబ్బములతోడ విమలవారాశిఫేనఖండములతోడి కవ్వపుంగొండబందులో కాక యనఁగ.

⁠ 10

ఉ.⁠

లక్షలసంఖ్య లప్పురి కెలంకులయందుఁ గొలంకు లొప్పు వాః- పక్షిగరుచ్ఛటాపవనపాతవికంపితపంకజంబులై [1]వీక్షణకౌతుకంబు ప్రభవింపుచునుండును లీలమై సహ- స్రాక్షుఁడు విశ్వరూపమహిమాద్భుతముం బ్రకటించెనో యనన్.

⁠ 11

శా.⁠

ఆ వింధ్యాచలదుర్గ [2]మేలు శబరాధ్యక్షుండు హేమాంగదుం డా వార్ధిద్వితయద్వయావధిగఁ జక్రాధీశ్వరుల్ గొల్వ నా- శావేదండఘటాకపోలతలమూర్ఛద్దానధారాజల- ప్లావప్రక్రమసంవిశుద్ధబహులప్రస్ఫూర్తిమత్కీర్తియై.

⁠ 12

సీ.⁠

శివుని కైవడి [3]మహాసేనానుయాతుండు           బలభేది పగిది [4]నపవ్యపాయుఁ డరవిందహితు లీల [5]నధిగతాభ్యుదయుండు           [6]బుధుని క్రియ నజహత్పుష్కరుండు గంగాప్రవాహంబు కరణిఁ బావనమూర్తి           భుజగాధిపుని భంగి భోగశాలి యేనుంగు చందాన దానధారాశోభి           శౌరి లాగున శంఖచక్రపాణి

⁠

గీ.⁠

కర్త యాశ్చర్యములకు నాకరము నీతి- కఖిలవిద్యాగమములకు నాస్పదంబు పగఱ కుత్పాతకేతువు బంధుకోటి- కమరలోకద్రుమంబు హేమాంగదుండు.

⁠ 13

గీ.⁠

ఆ నృపాలుండు నీతివిద్యానిరూఢిఁ జారదృష్టియౌఁ గాని విచారదృష్టి సమధికైశ్వర్యవైభవోజ్జ్వలత నాతఁ డష్టమూర్తియౌఁ గాని యనష్టమూర్తి.

⁠ 14

1. తా. వీక్షకు గౌతుకంబు
2. తా. మేలె
3. ము. మహాసేనాని యాత్ముండు. తా. మహాసేనాని యాతండు
4. తా. నపవ్యసాయు
5. తా. నధికరాభ్యుదయుండు
6. ?. బుద్ధుని క్రియ జయత్పుష్పశరుఁడు