పుట:శివరాత్రి మాహాత్మ్యము.pdf/24

మహాస్రగ్ధర.⁠

అటఁ గాంచెం [1]బద్మగర్భుం డహిమకరఢులీహస్తినక్రాది యాదః- పటలీధాటీవిహారప్రచలిత మహిభృత్పక్షవిక్షేపలీలా- [2]చటులోర్మివ్యాప్తఘోషా సముపచితదిశాసౌధవీథీవిటంకా- వటుసంఘాటాప్రతిశ్రు[3]ద్భయకలితజగద్వ్యా ప్తి లబ్ధిన్ సుధాబ్ధిన్.

⁠ 78

లయగ్రాహి.⁠

తోయజభవుండు మదిఁ బాయని యహంకరణ-మాయ[4]ను జగంబు[5]ల కపాయము ఘటింపం జేయ సమకట్టి ఫణిశాయి నిరుపాధి శుభ-దాయకు సురాసురనికాయమకుటా[6]గ్ర- స్థాయి కురువిందసముదాయఘృణి[7]కోటివిశ-దాయతపదద్వయుఁ గళాయుతుని శ్రీనా- రాయణు రమారమణు డాయఁ జని నిద్దురకు రాయిడిగ నెవ్వఁడవురా! యనుచుఁ బల్కెన్.

⁠ 79

క.⁠

లేలెమ్మెక్కడివాఁడవు పాలసముద్రమున భోగిపర్యంకమునం దేలెద వొక్కండవు [8]ననుఁ ద్రైలోక్యాధీశు [9]నెఱుఁగుదా పరమేష్ఠిన్.

⁠ 80

సీ.⁠

పాతాళభువనసప్తకము నిర్మించితి           వానితి విశ్వవిశ్వంభరయును దిక్చక్రవాళ మెత్తితిఁ జక్కఁజేయఁగాఁ           [10]బాఁతుకొల్పితి గోత్రపర్వతముల వరుసఁ దీర్చితి నేడు శరనిధానములకు           నారు వోసితి నరణ్యములు పెక్కు గ్రహతారనక్షత్రగతు లేఱుపఱిచితి           సరణు లేర్చితి నభస్వంతమునకుఁ

⁠

గీ.⁠

గదియఁ గూర్చితి బ్రహ్మాండకర్పరంబు పరిధిగా [11]వాలిచితి మహావరణజలము నిట్టి నేఁ జేరవచ్చిన నెదురుకొనవు పాన్పు డిగ్గవు దురవలేపమున నీవు.

⁠ 81

గీ.⁠

ఎవ్వఁడవు చెప్పుమనిన లేనవ్వు నవ్వి యిందిరావల్లభుఁడు బ్రహ్మ కిట్టు లనియె నే జగత్కర్తనై యుండ నెట్లు నీవు కర్తనని పల్కెదవు సిగ్గుగాదె చెపుమ.

⁠ 82

1. తా. కంజ
2. తా. చటులోర్మీవ్యాపి
3. తా. ద్వ్యతికలిత
4. తా. తి
5. తా. న
6. తా. గ్రా
7. తా. జాలనికటాయిత
8. తా. నన్
9. ము. నెఱుఁగురా
10. ము. పాదుకొల్పితి
11. ము. వాల్చితిని