Jump to content

పుట:శివతత్వసారము.pdf/188

వికీసోర్స్ నుండి
ఈ పుట అచ్చుదిద్దబడ్డది


క.

తన తండ్రిఁ దునిమి భక్తిం
దనరిన చండీశ్వరునకుఁ తనయెంగిలి యి
చ్చిక్రియ శివుఁ డిచ్చెనె పెఱ
జనులకుఁ గేవల వదాన్య జడులకు నెందున్.

477


క.

మన్నించుఁ బ్రీతి మాదర
చెన్నయ భక్తియ మనమునఁ జేకొనఁ గాదే
మిన్నక యంటని ముట్టని
చెన్నఁటి వ్రతములకు నేల శివుఁ డెడఁ గూర్చున్.

478


క.

ప్రీతి మెయి వీరచోడన
భాతిగఁ గడియెత్త నెఱచి పనుచుడును రజ
స్సూతకి యని తొలఁగె వృష
కేతనుఁ డాపులగ మారగించెడి చోటన్.

479


క.

ఉన్నతభక్తి శిరంబులు
పన్నుగ శివుఁ బూన్చి కరుణ వడసిన భంగిన్
మున్నేవిధులం గొలిచియుఁ
జన్న దశాననుఁడు వడయఁజాలెనె చెపుమా?

480


క.

తొల్లి శివుఁ గడవఁ బలికిన
కల్లరిఁ దన తండ్రి దునిమి కడుభక్తి మెయిన్
దెల్లమిగ ముక్తుఁ డయ్యెను
గొల్లఁడు గాఁడయ్య! కాట కోటఁడు రుద్రా?

481


క.

మును సవి సూచిన కన్న
ప్పని యెంగిలి యారగించి భక్తి ప్రధానం
బని కరుణించెను శంకరుఁ
డని విందుము విధులలోన నది యేవిధియో?

482


క.

మఱి శివుఁడు భక్తిఁ గొడుకుం
దఱిగిన చిఱుతొండనంబి దనవాఁడను గా