పుట:శివతత్వసారము.pdf/165

క.⁠

వెగడుగ వసురుద్రాది త్యగణేశ సమస్తదేవతారాక్షసప న్నగగణము లన్నియునుఁ జెడి గగనంబంతయును బ్రమథగణమయ్యె శివా!

⁠ 345

క.⁠

ఆడుదురు జతలు వెట్టుచుఁ బాడుదురున్ గతులు చేసి పరమానంద క్రీడాసంగతిఁ బ్రమథులు కూడి వినోదింతు రిట్లుఁ గొమరుగ రుద్రా!

⁠ 346

క.⁠

లోకాలోకము సురపతి లోకముతోఁ గూడి బ్రహ్మలోకము మఱి యా వైకుంఠలోకమునుఁ జెడి లోకత్రయమెల్లఁ బ్రమథలోకం బయ్యెన్.

⁠ 347

శివగణవర్ణనము

క.⁠

ప్రమథగణంబు లసంఖ్యా కము లీశ్వర! యెఱుగ వ్రేఁగు దత్సంఖ్యలు వే దములు "నసంఖ్యాతా" యని యమరఁగ ఘోషించుచున్నయవి గడలేమిన్.

⁠ 348

క.⁠

సకలకులపర్వతంబులు నకుటిలగతి గ్రుచ్చి కంఠహారముగా నొ క్కొకమాటు భవద్గణనా యకుండుఁ దాఁ దాల్చుఁ బర్వతాభరణుఁ డజా!

⁠ 349

క.⁠

పరివిలయవేళ మేరువుఁ బరిమాల్చుటఁ జేసి మీరు పాతనుఁ డనఁగాఁ

⁠