పుట:శివతత్వసారము.pdf/160

క.⁠

ఆ హరి సురేంద్రముఖ్య సు ధాహారుల నెల్ల నిట్టు లత్యుద్ధతిమై దేహములు గోసివైచిన బాహుబలం బొప్పె వీరభద్రునకు శివా!

⁠ 318

క.⁠

ఆహవమునందుఁ దెగి య య్యాహవనీయాగ్నిఁ బడియె నట విష్ణుశిరం బాహా! నీ కింకరునకు బాహుబలం బొపెపి వీరభద్రునకు శివా!

⁠ 319

ప్రళయవర్ణనము

క.⁠

కర్మక్షయంబు గామిని నిర్మలమోక్షంబు లేమి నిఖిలపశువ్రా తమ్ముల దుఃఖంబులు గని నిర్మింతు లయంబు గొంత నిర్వృతికి శివా!

⁠ 320

క.⁠

కరుణాకరుఁడవు గావున విరచిత బహుజీవరాశి విశ్రామహేతు స్థిరమల నిఖిలజగత్సం హరణము గావింతు కరుణ నతిమహిమ శివా!

⁠ 321

గణాధిపుల యాటలు

-

క.⁠

ప్రమథులు రుద్రులు మఱి భూ తము లనఁగాఁ ద్రివిధమూలదళములతోడన్ సమసుప్తినాథ! నీ గణ సమూహములు సంహరించు జగములు రుద్రా!

⁠ 322