పుట:శివతత్వసారము.pdf/133

⁠

దిక్కెఱిఁగిన దృఢభక్తుఁడు పక్కండెవ్వరికిఁ గార్యభారమున శివా!

⁠ 163

క.⁠

భూచలము తల్లడిల్లినఁ బాతాళము బయలువడ్డ బ్రహ్మప్రళయం బేతెంచిన నీ భక్తుఁడు చేతులు ద్రిప్సకయ పూజ సేయును రుద్రా!

⁠ 164

క.⁠

వేయేటికిఁ బ్రాణంబులు వోయినఁ దమతలలు తెగిన భువిభక్తులు ని న్నాయతమతి నభ్యర్చన సేయక కుడువరు ద్రిలోకసేవితచరణా!

⁠ 165

క.⁠

ఆయుధములుఁ గుసుమము లగు నాయబ్టులు మెట్టలగు మహామదగజముల్ వేయేల గండశిలలగుఁ బాయక నినుఁ గొలుచు నచలభక్తులకు శివా!

⁠ 166

క.⁠

అధమము నత్యుత్తమ మగు నధర్మమును ధర్మ మగును నాగమనిధి స ద్విధి యగు నిషేధమునుఁ జం ద్రధరా! భవదీయభక్తితాత్పర్యులకున్.

⁠ 167

క.⁠

క్షుత్తృష్ణాది విపత్తులు [1]బత్తళి జలతపనశీతవాతాదులును నే ద్వృత్తగతిఁ బొంద వెఱచు ను దాత్తభవద్భక్తియుక్తు లగువారి శివా!

⁠ 168

1. బత్తళి = నగ్నత్వము