పుట:శివతత్వసారము.pdf/109

క.⁠

ప్రత్యక్షజగద్భేదము సత్యంబై తోచుచుండ శబ్దంబునఁ ద త్ప్రత్యక్షబాధ యగునని యత్యనుచితవృత్తి నడుతు రద్వైతు లజా![1]

⁠ 35

క.⁠

అమరఁగఁ బ్రపంచమిథ్యా త్వమ సెప్పెడు వాది మున్ను దానికి సద్భా వము దా నెఱుఁగక మిథ్యా త్వ మనాశ్రయ మెట్లు జెప్పఁ దలపోయు శివా!

⁠ 36

క.⁠

మానము చేత గృహీతము గాని ప్రపంచ మ్మెఱుంగఁ గడు దుర్ఘటమౌ మాన గృహీతము తథ్యమ తా నెన్నఁడు మిథ్యగాదు తలపోయ శివా!

⁠ 37

క.⁠

ఉత్తరశుక్తిజ్ఞానని వృత్తంబగు శుక్తి రజితవేదనము క్రియన్ వృత్తజగద్భేదము చెడు నత్తఱి నద్వైతు లెన్న రండ్రు మహేశా!

⁠ 38

క.⁠

నిర్వచనీయము లేక య నిర్వచనీయంబు గలదె? నిర్వచనీయా నిర్వచనీయోత్పత్తి న సర్వాద్వైతంబు చెడదె సర్వానందా!

⁠ 39

క.⁠

జీవుఁడు శివుఁడను వాక్యము భావింపఁగ నైక్యమునకుఁ బ్రతిపాదకమే

⁠

1. శబ్దంబున - ఉపనిషద్వాక్యము వలన