పుట:వెలుగోటివారి వంశావళి.pdf/75

వెలుగోటివారి వంశావళి

⁠

ద్వన్నుతవిక్రమాంకుఁడు నుదాత్తయశుండు[1] రమాసమేతుఁ డై వెన్నుఁడు వోలె సొం పెసఁగె వెన్నయభూపతి వైభవోన్నతిన్.

⁠ 26

వ.⁠

ఆ వెన్నమనాయనికిని జాయమదేవులకును[2] నెఱదాచానేఁడు పుట్టెను.

⁠ 27

క.⁠

ఆయతకీర్తి న్వెన్నమ నాయకునకు నెఱ్ఱదాచనరనాయకుఁడున్ ధీయుతుఁడు సబ్బిఘనునకు నాయకమణి నల్లదాచనరపతి పుట్టెన్.

⁠ 28

క.⁠

ఆ నల్లదాచవిభునకు మానితగుణశాలి యైన మాధవవిభుఁడున్ ధీనయవిశ్రమసంపద భూనుతిఁ గల గామవిభుఁడుఁ బుట్టిరి వరుసన్.

⁠ 29

వ.⁠

సంతతికి వెన్నమనేఁడు మొదలు.

⁠ 30

ఉ.⁠

వాలని విక్రమస్ఫురణ వారలు పాండ్యదళంబు దంతులన్ గేళి జయించి పాండ్యగజకేసరినామము దాల్చి రెంతయున్ జాలినవారు నా నెగడి[3] సన్నుతిఁ గాకితరాజ[4]రాజ్యల క్ష్మీలలనాప్రతిష్ఠఁ దగఁ జేసిరి భూజను లెల్ల మెచ్చఁగన్.

⁠ 31

వ.⁠

మఱియును[5] నెఱదాచానేని ప్రతాప మెట్టి దనిన.

⁠ 32

శా.⁠

అగ్రీభూతమదాంధశాత్రవనికాయంబున్ విభాళించుచో[6] వ్యగ్రోదగ్రసమగ్రనిగ్రహగుణోద్యత్ప్రౌఢి[7] నారూఢుఁడై యుగ్రాజిస్థలి దాచనాయకుఁడు కుంట్లూరిమ్మడిం జంపి భూ తగ్రాసం బిడె గొల్లపల్లి బయలన్ దర్పప్రతాపోన్నతిన్.

⁠ 33

1. A. B. విక్రమార్కుడు వు(వ)దాతయశుండు. V.V.C విక్రమార్కుఁడు నుదారయుశుండు
2. A. B. నాయనికిన్ని; దేవులకున్ను.
3. V. Rao వారుగా నెగడి (Ac 11), A.B వారనా నెగడి.
4. V. Rao (Ac 13), కాకతిరాయ.
5. A. B. మరిన్ని
6. A. విబాళించుచో B. బాలించుచో. V.V.C. విభంజించుచో.
7. V.V.C. A B గుణాఢ్యప్రౌఢి.