Jump to content

పుట:విష్ణుపురాణము (కలిదిండి భావనారాయణ).pdf/49

వికీసోర్స్ నుండి
ఈ పుట అచ్చుదిద్దబడ్డది


వ.⁠

ఇట్లు మధువనతీర్థంబున నూర్థ్వబాహుండును వామపాదస్థితుండునునై
కొన్నిదినంబు లేకాంగుష్ఠస్థితుండైఁ ఘోరతపంబు చేయుచున్నంత.

⁠ 286


మ.⁠

ధరణీచక్రము దిద్దిరం దిరిగె భూధ్రవ్రాత మల్లాడె సా
గరముల్ ఘూర్ణిలె భూతకోటి బెగడెన్ గంధర్వయక్షోరగా
సురదేవోత్కరముల్ మదిం దలఁకె నక్షోభ్యప్రభావావనీ
శ్వరపుత్రప్రవరప్రవర్తితతపశ్చర్యాప్రతాపంబునై.

⁠ 287


వ.⁠

అప్పుడు.

⁠ 288


క.⁠

యామాఖ్యదేవతల ఘో, రామితకూష్మాండతతుల నాఖండలుఁ డు
ద్దామగతిఁ బంపె నృపసుతుఁ, డామెయి నొనరించుతపము నలజడి పెట్టన్.

⁠ 289


వ.⁠

కామరూపులగు వామాఖ్యదేవతలును గూష్మాండగణంబులును మధువనంబు
ప్రవేశించి నానావిధమాయలు పన్ని రంత.

⁠ 290


సీ.⁠

వసివాడు వాడిన వదనపంకజముతో, నినుపాఱివడియు కన్నీటితోడఁ
గొదలుచు నొదవు గద్గదవచోయుక్తితో, దట్టంపునిశ్వాసధారతోడ
గమనసన్నాహసంగతమహత్కాంతితో నాకంపమానదేహంబుతోడ
శ్రమజలాసారసంసక్తగాత్రంబుతో, సంభవద్దైన్యరసంబుతోడఁ

⁠


గీ.⁠

గొడుక! యిడుమలఁ గుడిచెదే యడవిలోన ననెడునర్థోక్తి గళకుహాంరాంతరమున
నాగు నేరుపుతో ని ల్చె నగ్రసరణి, నధికదుర్నీతిదైత్యమాయాసునీతి.

⁠ 291


వ.⁠

ఇట్లు నిలిచి.

⁠ 292


క.⁠

కొడుకా దేహవ్యయకర, మిడు మిది నీ కేల మాను మెన్నేనోములున్
బడి బడి నోచి నినుం గని, యడవులఁ గలిపితిని నోము లాఱడివోవన్.

⁠ 293


సీ.⁠

పాటించి మగనిచేఁబట్టు లేక యనాథ, భావంబుఁ దాల్చు నాబ్రదుకుఁ దలఁచి
మనసు చిల్లులు వోవ ఘనగర్వమున నాదు, సవతి పల్కెడి వచస్సరణిఁ దలఁచి
ముద్దుగాఱెడిరూపమున నాలుగైదేండ్ల, చక్కనినీమేనిసౌరు దలఁచి
నీబడి వాయక నిరతంబు క్రీడనా, లంపటులైన బాలకులఁ దలఁచి

⁠


గీ.⁠

కుడువఁ గట్టంగ లేని యీగొదవఁ దలఁచి, యొడలు చివుకంగఁజేయునీయిడుమ దలఁచి
హాయి గలుగని వట్టికాపేయ మేల, రా వృథా దీని మానుమురా! కుమార.

⁠ 294


ఉ.⁠

మన్నన లేక భర్త యవమానము సేయ సపత్ని నవ్వ ని
న్గన్నులఁ జూచి యన్నియు సుఖం బని యోర్చితి నిట్టు నీవు రా

⁠