పుట:విష్ణుపురాణము (కలిదిండి భావనారాయణ).pdf/249

సీ.⁠

అఖిలలోకముల నవ్యాహతగతియైన, వైన్యుండు నిలిచెనే వసుధమీఁద ఇల యేడుదీవులు నేలిన కార్తవీ, ర్యార్జునుం డుండెనే యవనిమీఁద సార్వభౌమత్వప్రశస్తుఁడౌ మాంధాతృ, ధరణీశుఁ డుండెనే ధరణిమీఁద గంగావతరణవిఖ్యాతిమంతుఁడు భగీ, రథుఁడు నిల్చెనె యుర్వరాస్థలమున

⁠

గీ.⁠

గురుయశస్కులు సగరకకుత్స్థరామ, రావణయుధిష్ఠిరాదిభూరమణు లిపుడు నామమాత్రావశేషు లైనారు గాని, నిలిచియుండుటలేదు మౌనికులవర్య.

⁠ 487

వ.⁠

ఇది యెఱింగి పండితుండు సమస్తవస్తువులయందు మమత్వంబు నొందండని శ్రీపరాశరుం డానతిచ్చిన.

⁠ 488

శా.⁠

శ్రీమద్దారవదేహ దేహభృదతిక్షేమాపవర్గప్రదో ద్దామాశ్చర్యపదోహ దోహనవిధాంతస్తోషసంవర్ధిత ప్రేమప్రాపితమాహ మాహసమయక్రీడార్థసంకౢప్తభ ద్రామాంగళ్యవివాహ వాహవితతీంద్రస్నేహమోహావహా.

⁠ 489

క.⁠

శాండిల్యకండుమునిమా, ర్కండేయాదికమునీంద్రరక్షణచణమా ర్తాండఘనమండలాంత, ర్మండితమణిసౌధమధ్యమస్థిరనిలయా.

⁠ 490

వనమయూరము.⁠

భాసురమణీవిసరబద్ధమహితోద్య చ్ఛ్రీసహితసౌధఘనశృంగనిహితారియు గ్భాసిరుచిదీప్తితనభఃకకుబిలాంతా హాసరుచిరానన సుధాంశురుచికాంతా.

⁠ 491

గద్య.⁠

ఇది శ్రీసుభద్రాకరుణాకటాక్షవీక్షలబ్ధకవిత్వతత్వపవిత్ర వేంకటామాత్య పుత్త్ర, కందాళ శ్రీరంగాచార్య కృపాపాత్ర, సజ్జనమిత్ర, శ్రీహరిగురుచర ణారవిందవందనపరాయణ కలిదిండి భావనారాయణ ప్రణీతంబైన శ్రీవిష్ణు పురాణంబునందు మనువంశావతారంబును, బురూరవజన్మంబును, మరుత్ తృణబిందులచరిత్రంబును, రేవతివివాహంబును, నిక్ష్వాకుచరితంబును, బురంజయోపాఖ్యానంబును, గువలయాశ్వ యువనాశ్వ మాంధాతృల చరి త్రంబును, సౌభరిచరితంబును, పురుకుత్సత్రిశంకుసగరులచరితంబును, గపిల ప్రభావంబును, భగీరథుండు భాగీరథి దెచ్చుటయును, మిత్రసహఖట్వాంగుల చరితంబును, శ్రీమద్రామాయణకథనంబును, నిమిచరిత్రంబును, జంద్రవంశ సూచనంబును, జంద్రునిచరిత్రంబును, బుధజన్మంబును, జహ్నుప్రభావంబును, గాధిచరితంబును, విశ్వామిత్ర జమదగ్ని రాములజన్మప్రకారంబును, రజి

⁠