బండ్రెండువేలవర్షంబులు కృతత్రేతాద్వాపరకలిసంజ్ఞితం బైనయొక్కచతుర్యు
గం బగు. అందు కృతయుగంబునకు నాల్గువేలు త్రేతాయుగంబునకు మూఁడు
వేలు ద్వాపరంబునకు రెండువేలు కలియుగంబునకు వేయిదివ్యసంవత్సరంబు
లని చెప్పుదురు. కృతయుగపూర్వసంధ్య నన్నూఱు, తత్సంధ్యాంశంబు
నన్నూఱు, త్రేతాయుగపూర్వసంధ్య మున్నూఱు, తత్సంధ్యాంశంబు మున్నూఱు;
ద్వాపరయుగసంధ్య యిన్నూఱు, తత్సంధ్యాంశంబు నిన్నూఱు, కలియుగ
పూర్వసంధ్య నూఱు, తత్సంధ్యాంశంబు నూఱుదివ్యవర్షంబులు. ఇట్లు యుగ
సంధ్యాసంధ్యాంశంబులు పండ్రెండువేలుదివ్యవర్షంబులు నొక్కచతుర్యు
గం బగు. సంధ్యాసంధ్యాంశంబుల మధ్యకాలంబు యుగాంతం బనం బరగు.
ఇట్లు కృతత్రేతాద్వాపరకలిసంజ్ఞలంగల నాల్గుయుగంబులు నొక్కచతుర్యు
గం బనం బరగు. అట్టి చతుర్యుగసహస్రంబు బ్రహ్మకు నొక్కదివసం బగు.
అట్టి దివసంబునందు చతుర్దశమనువులు పుట్టుదురు. వారికాలంబు వినుము.
సప్తఋషులు సురలుఁ మనువునకును బుత్త్రులైన నృపతులు నేకకాలంబున సృజిం
పంబడి యేకకాలంబున సంహృతులగుదురు. వీరలకాలంబు డెబ్బదియొక్క
దేవతాయుగంబు. అది మనుష్యమానంబున ముప్పదికోట్లునరువదియేడు
లక్షలు నిరువదివేలు వత్సరంబు లవి చతుర్దశగుణితంబైన బ్రహ్మకు నొక్క
పగలు. అప్పగటిచివుర నైమిత్తికప్రళయం బనం బరగు, అందు.
