పుట:విష్ణుపురాణము (కలిదిండి భావనారాయణ).pdf/22

⁠

దానివలన మహాబలవంతంబై స్పర్శగుణంబైన వాయువు పుట్టె. ఆకాశంబుచే నావరింపఁబడు నావాయువు వికృతి నొంది రూపతన్మాత్రంబు పుట్టించె. దాని వలన రూపగుణంబైన తేజంబు పుట్టె. వాయువుచే నావరింపఁబడు నాతేజంబు వికృతి నొంది రసతన్మాత్రంబు పుట్టించె. దానివలన రసగుణంబులైన జలంబులు పుట్టె. తేజంబుచే నావరింపఁబడి యాజలంబు వికృతి నొంది గంధమాత్రంబు పుట్టించె. దానివలన గంధగుణంబైన పృథివి పుట్టె. ఇది తామసాహంకా రంబువలనఁ బుట్టిన భూతతన్మాత్రసృష్టి యనం బరగు.

⁠ 78

సీ.⁠

అనఘాత్మ తైజసంబను నహంకారంబువలన నింద్రియములు గలిగెనవియుఁ జెప్పెద శ్రోత్రంబు జిహ్వయు నేత్రంబు నాసిక త్వక్కు మనంబు ననఁగ నాఱును బుద్ధీంద్రియంబులు శ్రవణాదిసిద్ధికై కలిగె నూర్జితము లగుచుఁ బరిపాటి వాక్పాణిపాదపాయూవస్థములగు కర్మేంద్రియంబులు మునీంద్ర!

⁠

గీ.⁠

యుక్తి శిల్పాదిసిద్ధికై యొనరు నివియు, వినుము వైకారికం బన విశ్రుతిగను నయ్యహంకారమునఁ బుట్టె నఖిలమైన, దేవతాసర్గ మీరీతి తెలిసికొనుము.

⁠ 79

వ.⁠

ఇట్లు వైకారికాహంకారంబువలన నింద్రియాధిదేవతలుపుట్టిరి. ఆకాశ వాయుతేజస్సలిలపృథువులు శబ్దాదిగుణసంయుతంబులై శాంతంబులును, ఘోరంబులును, మూఢంబులును, విశేషంబులును నై పృథగ్భూతంబులై యుండు, అన్యోన్యసంయోగంబు నొంది ప్రజల సృజించు.

⁠ 80

సీ.⁠

తెలివితోఁ బూరుషాధిష్ఠితత్వమున, నవ్యక్తమహానుగ్రహంబువలన మహదాదు లత్యంతమహిమ నండంబు నుత్పాదించు నది పరిపాటి పెద్ద యగుచు బుద్బుదతుల్యమై భూతసమితిచే నభివృద్ధ మగు జలాభ్యంతరమున బ్రహ్మస్వరూపమై పరగు విష్ణున కది తలపోయ ప్రాకృతస్థాన మయ్యె

⁠

గీ.⁠

నందుఁ జతురాననుం డయ్యె నబ్జనేత్రుఁ, డుల్బము సురాచలము జరాయువున గాని గర్భజలము సముద్రసంఘములు నయ్యె, నధికవిస్మయ మొదవ బ్రాహ్మణవరేణ్య!

⁠ 81

క.⁠

గిరిసాగరాంతరీప, స్ఫురితసురాసురమనుష్యపూర్ణములై భా సురలీల జగము లెల్లన్, బరిపాటిం గలిగెనందుఁ బరమమునీంద్రా.

⁠ 82

వ.⁠

అయ్యండంబు బహిర్భాగంబున నుత్తరోత్తరదశగుణితములైన వారివహ్ని వాయువ్యోమభూతాదిమహదవ్యక్తంబు లనెడు సప్తావరణంబులచేతను నారికేళఫలాంతర్బీజంబు బాహ్యోదకంబులచేతంబోలెఁ బరివృతం బగుచు నుండు; అందు రజోగుణకలితుండై విశ్వేశ్వరుండైన హరి బ్రహ్మత్వంబు దాల్చి యీజగత్సృష్టియందుఁ బ్రవర్తించు. సత్త్వగుణకలితుండై సృష్టంబైన

⁠