పుట:విష్ణుపురాణము (కలిదిండి భావనారాయణ).pdf/139

⁠

సుండు, ఆమన్వంతరంబునందు సత్యాశ్వాదులు సప్తవింశతిదేవగణంబులు. శిబినామధేయుం డింద్రుండు, జ్యోతిర్ధామాదులు సప్తర్షులు, సరఖ్యాత్యాదు లైన తామసమనుపుత్రులు రాజులు. పంచమమనువు రైవతుండు. ఆ మన్వంతరంబునందు మనునామధేయుండింద్రుఁడు. అమితాభవైకుంఠాదులు చతుర్దశదేవగణంబులు, హిరణ్యరోమాదులు సప్తర్షులు. జలబంధాదులు రైవతపుత్రులు రాజులు, స్వారోచిషోత్తమతామసరైవతులు నల్వురును ప్రియవ్రతాన్వయసంభవులు. ఆప్రియవ్రతుండు విష్ణుదేవు నారాధించి యాత్మవంశసంభవుల నలువురిని మన్వంతరాధిపతులం బడసె. ఆఱవమనువు చాక్షుషుండు. ఆమన్వంతరంబునందు మనోజవాహ్వయుం డింద్రుండు. ఆర్య ప్రసూతాదులు పంచదేవతాగణంబులు, సుమేధాదులు సప్తర్షులు. ఊరు, పురు ప్రముఖ చాక్షుషపుత్రులు రాజులు. సప్తమమనువు సూర్యపుత్రుండు శ్రాద్ధదేవుండైన వైవస్వతుండు. ఈమన్వంతరంబునందు ఆదిత్యవసురుద్రా దులు దేవతలు, పురందరాఖ్యుం డింద్రుఁడు, వసిష్ఠకశ్యపాత్రిజమదగ్ని భరద్వాజగౌతమవిశ్వామిత్రులు సప్తర్షులు. ఇక్ష్వాకదృష్టశల్యాతిసరి ష్యంతనాభాగవరుణవృషద్రధసుమంతులు వైవస్వతపుత్రులు రాజులు. అశేషమన్వంతరంబులయందును ననుపమయగు విష్ణుశక్తి సత్వోద్రిక్తయై స్థితియందు దేవత్వంబుచేత నధిష్ఠించియుండు.

⁠ 6

క.⁠

వింతగ స్వాయంభువమ, న్వంతరమున యజ్ఞుఁ డనఁగ హర్షమున రమా కాంతుఁ డవతార మొందె న, దాంతదురంతాసురప్రతతి తల్లడిలన్.

⁠ 7

వ.⁠

అక్కాలంబున నార్యాంకమాససు లన దేవతలు పుట్టి మఱియును.

⁠ 8

గీ.⁠

వినుము తుష్టియందు విష్ణుండు స్వారోచి, షాంతరమున నజితుఁ డనఁగఁ బుట్టెఁ దుషితదేవగణముతో దుష్టదైత్యసం, తతుల కెల్ల గుండె తల్లడిలఁగ.

⁠ 9

క.⁠

ఉత్తమమనుకాలమునఁ బ్ర, పత్తి దనర శ్రీవిభుండు సత్యుం డనఁగా నుత్తమ యగు సత్యకు సం, పత్తి వెలయఁ బుట్టె ధర్మపద్ధతి నడపన్.

⁠ 10

క.⁠

తామసమనువేళ జగ, త్స్వామి రమావిభుఁడు పుట్టె సాధ్యకు ధర్మ శ్రీ మించ హరి యనఁగ ను, ద్దామవిశదకీర్తిలతలు ధరణిం బర్వన్.

⁠ 11

క.⁠

రైవతమన్వంతరమున, శ్రీవనితావల్లభుఁడు హరి యనఁగఁ బుట్టెన్ దేవగణంబులతో సం, భావనసంభూతియందు మహిమ దలిర్పన్.

⁠ 12

మ.⁠

తను వైకుంఠుఁ డన న్వికుంఠకు సముత్కర్షంబునం బుట్టె న వ్వనజతాక్షుఁడు చాక్షుషాంతరమునన్ వైకుంఠసంజ్ఞామరుల్.

⁠