పుట:విష్ణుపురాణము (కలిదిండి భావనారాయణ).pdf/138

శ్రీరస్తు

విష్ణుపురాణము

భావనారాయణకృతము

తృతీయాంశము

⁠

ధుర్యనిజనివేదిత మాధుర్యయుతప్రసార మహనీయమహ త్త్వాధరితజాతిఘనసం బాధ జగన్నాథ శ్రీసుభద్రానాథా.

⁠ 1

క.⁠

శ్రోత్రసుఖకారిణియును బ, విత్రయు నగు భరతుకథను విని సుస్థితి మై చిత్రము మది కొనరించఁగ, మైత్రేయుఁడు హర్షసంభ్రమములం బలికెన్

⁠ 2

చ.⁠

గురుఁడవు నాపయిం గలుగు కూరిమి చేసి సమస్తమేదినీ ధరసరిదంబురాసులవిధంబు భువస్సువరాజలోకభా స్వరవిపులత్వముల్ రవినిశాచరముఖ్యనవగ్రహర్క్షసం చరణము నాగలోకములచందము చెప్పితి వద్భుతంబుగన్.

⁠ 3

వ.⁠

దేవర్షిదానవాదులసృష్టియు, చాతుర్వర్ణోత్పత్తియు, నౌత్తానపాది, హైరణ్య కశిప్వాదులచరితంబుల వింటి, నింక మనువులు మన్వంతిరాధిపతులు వినియెద ననిన శ్రీపరాశరుం డిట్లనియె.

⁠ 4

గీ.⁠

ఆఱుమన్వంతరము లిప్పు డరిగె వర్త, మానమస్వంతరము సప్తమంబుసువ్వె భావిమన్వంతరము లేడు నీవు వీనిఁ, దెలియు మిపు డన్నియును నీకుఁ దేటపఱుతు.

⁠ 5

వ.⁠

ప్రథమమనువు స్వాయంభువుండు, ద్వితీయమనువు స్వారోచిషుండును, అందు నీశ్వరశర్వరి, వపుముఖులు సప్తఋషులు, చైత్రకింపురుషాదులగు స్వారోచిషపుత్రులు రాజులు. తృతీయమను వుత్తముండు, ఆమన్వంతరంబు నందు సుశాంతినామకుం డింద్రుండు, సుధాములు, సత్యులు, శివులు, ప్రతర్ద నులు, వనవర్తులు నన నైదుదేవగణంబులు, వసిష్ఠపుత్రు లేడ్వురు సప్తర్షులు, అభాదులైన యుత్తమమనుపుత్రులు రాజులు. చతుర్థమనువు తామ

⁠