పుట:విక్రమార్కచరిత్రము.pdf/68

20

విక్రమార్క చరిత్రము

తే.⁠

లలితమాకందవైభవంబుల దనర్చి యతిమనోహరాకారత నతిశయిల్లి యుద్యదుద్యానవాటిక లుల్లసిల్లు వారవనితలు నాఁ బురవరమునందు.

⁠ 88

సీ.⁠

సరసపుష్పపరాగపైకతంబులు దీర్చి         తేనియకాలువల్ తెరలిపాఱ రమ్యమయూరసంభ్రమలీలఁ గల్పించి         ఘనతమాలాంబుదకాంతిఁ దనర లతికావిలాసినీలాస్యంబు ఘటియించి         చతురమారుతనటస్వామి వొలయఁ జారుపల్లవరాగసంధ్యామహిమఁ జూపి         విమలకోరకతారకములు మెఱయ

⁠

తే.⁠

సతతవిహరణదంపతిచారుదేహ రత్నభూషారుచిస్తోమరమ్య మగుచుఁ బొలుచు నారామసమితి తత్పురమునందు గల్పకావలి భువిమీఁదఁ గలిగె ననఁగ.

⁠ 89

శా.⁠

ఆరామంబులు పెక్కు గల్గును సునాయాసంబుగా నేచి ము క్కారుం బండును రాజనంబుఁ జెఱకున్ గప్పారుపూదేఁనియన్ నీ రెల్లప్పుడు నిండియుండుఁ జెఱువుల్ నిర్మించు టెల్లన్ బురిం బౌరశ్రేణికి గోకదంబమునకున్ బాథోవిహారార్థమై.

⁠ 90

చ.⁠

కరిమకరాలయాఢ్యత, బ్రకామగభీరత, నచ్యుతస్థితిన్, వరకమలోదయస్ఫురణ పాలుటఁ బన్నగలోకసంగతిన్, ధరఁ గలవారికెల్లఁ బ్రమదంబున నాశ్రయమై తనర్చుటన్, బరఁగుఁ బురిం దటాకములు పాలసముద్రముతో సమంబులై.

⁠ 91

చ.⁠

సరసిజనాభుఁ డట్టె హరి, సారససంభవుఁ డట్టె బ్రహ్మ, యా సిరియును వజ్రవాస యటె, చిత్తమునం దలపోసి చూడఁగా

⁠