| |
జలధివలయితవసుమతీచక్రవహన
చండభుజదండకలితుఁడై యుండునంత.
| 73
|
| వ. |
పాకశాసనుశాసనంబునం దదీయసూతుండగు మాతలి దివ్యరథంబుతోడం జనుదెంచి కృతాంజలి యగుటయు.
| 74
|
| చ. |
అతనికి సాహసాంకవిభుఁ డాసనపాద్యము లాదియైన స
త్కృతు లొనరించి, నేఁ డిచటికిం దనదివ్యరథంబుతోడ సా
కతమునఁ బంపె నెంతపని గల్లెనొగాక! శచీవిభుండు ని
న్నితరములైనకార్యముల కిమ్మెయిఁ బంచుట మున్ను వింటిమే!
| 75
|
| వ. |
అనిన విని మాతలి సాహసాంకమహీపాలునితో నిట్లనియె.
| 76
|
| క. |
జంభాహితుఁ డూర్వశిపై
రంభపయిం గరుణకలిమి, రహిఁ దన్నటనా
జృంభణల తారతమ్యము
సంభావించుటయ కాని; చాలఁడు తెగడన్.
| 77
|
| క. |
కావున వారల నటనా
ప్రావీణ్యము హెచ్చుఁ గుందుఁ బ్రకటించుటకై
దేవరఁ దోడ్కొని రమ్మని
దేవేంద్రుఁడు పనిచె వసుమతీవర! నన్నున్.
| 78
|
| క. |
పాయక పెక్కుతపంబులు
సేయుతపోధనుల కైనఁ జేర నశక్యం
బీయరద మెక్కి విజయం
చేయుము జగతీశ! తడవు సేయక యనినన్.
| 79
|
ఇంద్రుని రథ మెక్కి విక్రమార్కుండు నాకమున కేగుట
| సీ. |
నిజతపోమహిమచే నిరుపమానంబుగా
విరచించె నేతీరు విశ్వకర్మ
జంఖాదిదనుజేంద్రసంగరాంగణముల
శక్రున కేతేరు జయ మొసంగె
|
|
