పుట:వాసిష్ఠరామాయణము (మడికి సింగన).pdf/23

22

వాసిష్ఠరామాయణము

సీ.⁠

అస్థికీకస సిరాయతమాంస పుత్త్రిక         లంగనాజనలలితాంగకములు, కీలాల మూత్ర సంక్లిష్టదుస్సహములు         తరళలోచనలనితంబకములు, చర్మసువృతమహాదుర్మాంసపిండంబు         లువిదలపీనపయోధరములు, కలితలాలాశ్లేష్మఘనగరండంబులు         కొమ్మలమోపులు, కుటిలబాష్ప

⁠

గీ.⁠

మయము గానుండు నతివలనయనజాల, మిన్నియును జెప్ప నేటికి నింతులందు నెచటఁ గనుపెట్టి చూచిన హేయకరము గాక యెచ్చోట సుఖము సుశ్లోక చెపుమ.

⁠ 118

క.⁠

మరుఁ డను మేటికిరాతుఁడు సరభసముగ ముగ్ధమతుల జనవిహగములన్ దొరసి పడ నడఁప నొగ్గిన యురులు సుమీ సంయమీంద్ర యువిదలు దలఁపన్.

⁠ 119

క.⁠

సతులె యిహలోకసుఖదలు సతు లెడలిన సౌఖ్య మేమి? సతి విడువ జగ త్త్రితయము విడుచుటె, జగముల సతి విడిచినయతఁడ సుఖిసమర్థుం డరయన్.

⁠ 120

వ.⁠

మఱియు వార్ధకం బెట్టి దనిన.

⁠ 121

గీ.⁠

బాల్యవృత్తి నెగడి పర్యాప్తి గా నీక యౌవనంబు గ్రోలు, నంత నదియు వర్ధిలంగ నట్లె వార్ధకం బది గ్రోలుఁ, గంట యొండొరువుల క్రౌర్య మిదియ.

⁠ 122