180
వాసిష్ఠ రామాయణము
గీ. అట్లు గావున భయదంబు నాత్మధైర్య
హానియు నమంగళంబును నైనయట్టి
క్షుత్పిపాసంబు నెడలించి స్రుక్క చెడని
చిన్మయానందసౌఖ్యంబుఁ జెందు మెపుడు.44
వ. అని బోధించి యమ్మహాముని తొల్లి శంకరుం డానతిచ్చిన దేవపూజా
మహిమ యెఱింగించెద నాకర్ణింపు. మని యి ట్లనియె.45
దేవపూజోపాఖ్యానము
సీ. భక్తి నే నొకనాఁడు భాగీరథీతటి
శివుని చిత్తమునఁ బూజించి, పిదపఁ
గను విచ్చి చూడ, శంకరుఁడు ప్రసన్నుఁ డై
ముంచటఁ బొడసూప, మ్రొక్కి నిలిచి
ప్రాంజలి నై ౼ దేవ, పరమాత్మ, పరమేశ,
శర్వ, కళ్యాణంబు సర్వపాప
హరణంబు నగు దేవతార్చనవిధ మెట్టు
లాన తి౼మ్మనుటయు హరుఁడు పలికె,౼
గీ. మునిగణాధీశ యీక్రియ వినుము దెలియ;
హరిహరులు గారు దేవత, లరయఁ జిత్ర
దేవరూపులు గా, రకృత్రిమ మసాధ్య
మైనసంవత్స్వరూపం బయాదివేల్పు.46
క. ఆకాశాదులపగిది న
నేకం బగువస్తువందు నేర్పడ నాద్యం
బై కృత్రిమరహితం బగు
శ్రీకరతత్సత్త్వ మదియ శివుఁ డనఁబరఁగున్.47
క. ఆ మహిమ యెఱుఁగ నేరని
పామరు లాకారపూజఁ బరఁగుదు రొకపె