తృతీయాశ్వాసము
99
గీ. గడియగడియకు వెలుఁగుఁ చీఁకటియు నగుచుఁ
జలియు నెండయు మాటికి సంచరించు
వర్షకాలాభ్రములఁ బర్వువాసరంబు
సరణి యగుచుండు నామది సంయమీంద్ర.59
వ. అనంతంబు, నప్రమేయంబు, సర్వంబు, ననస్తమితసారం, బగుపరమా
త్మకు, సృష్టివిలయం బను నీకలంకునకుం గారణం బేమి? యని యడి
గిన వసిష్ఠుం డి ట్లనియె.60
సీ. అనఘ యథార్థవాక్యార్థంబు లయ్యుఁ బూ
ర్వాపరం బగు నిరూపార్థములకు,
నేవిరోధము లేక యెసఁగుమదుక్తులఁ
గలబలాబలములు తెలివిపడఁగ
సుజ్ఞానదృష్టి మైఁ జూచి యెఱింగెద
రుత్తమవిద్యను నొగి నవిద్య
నణఁపంగ సర్వదోషాపహారిణి యగు
విద్య సంప్రాప్త మై వెలుఁగుచుండు,
సీ. నస్త్రమస్త్రంబుచే శాంత మైన భంగి,
విషముచేతన విషమును విఱిగినట్లు,
శత్రుచేతన శత్రుండు సమయుపోల్కి,
మనసుచేతన మనసును మడియుచుండు.61
గీ. విను మవిద్య యెట్లు జనియించెనో? యను
తలఁపు లెల్ల మాని, తత్త్వనియతిఁ
జెంది, దీని నెట్లు చెఱుతునో యనువిచా
రంబు నిలుపు మాత్మ, రామచంద్ర.62
వ. అది నశించునప్పుడు, తజ్జననాదివికారంబు నెఱుంగ నగు. ననిన విని
రఘునందనుండు — జీవుండు మనోరూపంబు దాల్చి యవ్విరించిపంద