పుట:వరాహపురాణము (నంది మల్లయ, ఘంట సింగయ).pdf/79

గీ.⁠

కానను బులికిఁ బుట్టినకూన పూరి, మేయు నో టనుసామెత మిథ్య గాఁగఁ బులులుసైతము పొల మాని పూరి మేయు, నున్న దుష్టమృగంబుల నెన్న నేల.

⁠ 97

సీ.⁠

దళము లాహారపాత్రంబులు రచియింపఁ బదను దప్పెడు నని ముదుర వెఱచు తావి పోయెడు నని దేవతాపూజావసరముదాఁక విరులు విరియ వెఱచు నతిథిభిక్షకు నల్ప మౌ నని పిందె లారఁగఁ బండ కొకటియు రాల వెఱచు తపము సల్పెడువారు తపనదీధితులఁ గందెద రని నీడలు దిరుగ వెఱచు నాఱవైచిన వ్రేలుచు నహరహంబు, నుపరిభాగాంతరంబుల నున్న నార చీర లేపాటి బెడఁకినఁ జిరుగు ననుచు, విటపము కదల వెఱచు నుర్వీరుహముల.

⁠ 98

మ.⁠

ఫలముల్ గోరక హోమముల్ సలుపుచుం బ్రత్యక్షవైశ్వానరుల్ వలె గాన్వింతురు తాపసుల్ నిరుపమస్వాహాస్వధాకారర క్తులు నానానియమాధ్వరాజ్యమహిమోత్తుంగుల్ జగత్ప్రాణమి త్రులు తేజోభరితుల్ సదాశివతనుల్ తుష్టామరాధీశ్వరుల్.

⁠ 99

వ.⁠

ఇట్లు సకలజనవర్ణనీయానుభావభవనం బైనపుణ్యవనంబు చొచ్చి యిచ్చ నచ్చెరు వంది వందిబృందస్తుతపురందరాదినిర్జరదుర్జయుండు దుర్జయుండు పురోభాగంబున దివాకరకరదురవగాహశీతలచ్ఛాయామహీరుహంబుక్రింద హృదయాలవాలంబున మొలచి కలయంబర్వినకారుణ్యలతావితానంబులతెఱంగున గెంజడలు రంజిల్ల నిబిడం బుగా నావరించినసాత్వికగుణంబురీతి శరీరంబున భసితంబు గనుపట్ట నిరంతరపుర శ్చరణచాతుర్యంబున మెప్పించి పుచ్చుకొన్నమంత్రసిద్ధవధూకంతహారంబుఠేవ నక్ష మాలిక హస్తాంబుజంబున మెఱయఁ దపోధనాధిక్యంబునం గోటికిం బడగ యెత్తిన విధంబున బద్ధకౌపీనం బగుదండంబు సకాశంబునం బ్రకాశింపఁ బరబ్రహ్మమయుం డైనతన్ను సేవింప సకలపుణ్యతీర్థంబులు సంగ్రహించి సూక్ష్మరూపంబు వహించి వచ్చినకమలభవాండంబుచందంబునం గమండలువు దండనుండ శిష్యగణంబునకుఁ బరతత్త్వబోధంబు చేయువాని మహామునిప్రముఖు గౌరముఖుం గని సాష్టాంగ దండప్రణామంబు లాచరించి నిలిచిన నమ్మునీశ్వరుండు యథోచితప్రకారంబున నర్ఘ్యపాద్యంబు లిచ్చి కుశలం బడిగి భూపాల మాపాల నేఁడు నీవు సైన్యసమే తుండవై వసియించి మజ్జనభోజనంబులవలన మృగయాపరిశ్రమంబు దీర్చుకొని చను మని పలికినం గోపించి సుప్రతీకనందనుండు డెందంబున.

⁠ 100

క.⁠

తా నెటువలెఁ బెట్టెడునో వానావిధభోజనములు నాకు నసంఖ్యం బైనమహాసేనకు ని, క్కాననమున మౌని గన్నుగానఁడు సుమ్మీ.

⁠ 101