పుట:వరాహపురాణము (నంది మల్లయ, ఘంట సింగయ).pdf/3

శ్రీ

వరాహపురాణము

ప్రథమాశ్వాసము

శా.⁠

శ్రీలీలాస్పద మైనకొమ్మున ధరిత్రీకాంతఁ గారుణ్యల క్ష్మీలోలాత్మత నెత్తి లీల జలదాశ్లేషైకశృంగోన్నమ త్కైలాసంబును బోలె నున్నజగదేకస్వామి వారాహదే హాలంకారుఁడు ప్రోచు నీశ్వరనృసింహక్ష్మావధూవల్లభున్.

⁠ 1

శా.⁠

తా నానందముతోడఁ గుంకుమవసంతం బాడె నో సాఁగసం ధ్యానాట్యావసరభ్రమీగళితమస్తన్యస్తనాకస్రవం తీనీరేరుహరేణువుల్ తనువుపై నిండంగ దీపించుగౌ రీనాథుం డొసఁగున్ గృప న్నరసధాత్రీభర్త కైశ్వర్యముల్.

⁠ 2

ఉ.⁠

కూలము డిగ్గి స్నానమునకున్ సురవాహిని సొచ్చి నిల్వఁగా నాలుగునీరజంబు లొకనాళమునం బ్రభవించె నెట్టిచో ద్యా లని ముగ్ధనాకవనితల్ తనమోములు చూడ నవ్వుభా షాలలనేశ్వరుండు నరసక్షితిజానికి నాయు వీవుతన్.

⁠ 3

చ.⁠

స్మరసమరంబునం బరవశత్వము నొంది మహేంద్రనీలభా స్వర మగుదానవాంతకునివక్షముపై నొరగంటఁ జక్కఁగా నొరసినహేమరేఖవలె నున్నరమారమణీలలామ యీ శ్వరునరసింహభూపతినివాసమునన్ వసియించుఁ గావుతన్.

⁠ 4

సీ.⁠

కొలనికెందమ్మిపూవులు వినోదార్థంబు పయ్యెదకొంగులోపల వహించి మందిరాంతరచంద్రమణిశిలాకుట్టిమావనిమీఁదఁ దా వచ్చి వచ్చి మెలఁగి తనసయావకపాదతలములఁ ద్రొక్కినచోటులు దప్పక చూచి నిలిచి యోహో సరోజంబు లొడివిడి పడియె నేరుకొనంగవలె నని సకులఁ బిలుచు ముద్దరాలు తుషారాద్రిముద్దుఁబట్టి, శ్రీసదాశివదేహభద్రాసనస్థ సమరవిజయంబు లొసఁగు నీశ్వరనృపాలు, నారసింహవసుంధరానాయకునకు.

⁠ 5