పుట:వరాహపురాణము (నంది మల్లయ, ఘంట సింగయ).pdf/212

క.⁠

అప్పర్వతంబుయామ్యక, కుప్పునఁ బురి కామరూపకోటులయిరవౌ ముప్పది నఱువదిరెండును, నప్పురికిని యోజనంబు లగలముఁ జూపున్.

⁠ 142

గీ.⁠

అన్నగంబునడుమ హాటకమయ మైన, శిఖరమందు మఱ్ఱిచెట్టు గలదు దానిమూలమున సదా నిల్చు శ్రీమహా, దేవుఁ డభినుతప్రభావుఁ డెలమి.

⁠ 143

రగడ.⁠

వినుఁ డిఁకఁ గైలాసంబునఁ గలిగిన వివిధవిశేషంబులు వివరించెద నొనరఁగ నగ్గిరిచదుమున నొకసభ యోజనశతవిస్తృతమై వెలుఁగును అందుఁ గుబేరున కధివాసంబై యలరు విమానము పుష్పక మనునది అందముగ మహాపద్మాదికనిధు లగ్గిరివరమున ననిశము నుండును పాకశాసనప్రముఖు లగుదిశాపాలకులందఱు నందు వసింతురు శ్రీకరముగ నగ్గిరి మందాకిని సెలయేఱై యనిశముఁ బ్రవహించును కనకయు నందయు మొదలగునదు లగట్టుకుఁ జుట్టునుఁ గల వె న్నేనియు కనుపట్టును దచ్ఛైలముతూర్పున గంధర్వులనగరంబులు నలువది యోజనశతవిస్తారము గలయాయూళ్ళు సుబాహుఁడు హరికేశుండును భ్రాజిష్ణుం డగుచిత్రసేనుఁడును బ్రముఖు లైనదొర లేలుచు నుందురు పడమట యక్షులపట్టణములు నలువదియును నేఁబదియును యోజనముల వెడలుపు నిడుపును గలవెన్నే నవ్పీళ్ళకు మణికర్ణాదు లేలికలు దక్షిణమునఁ గిన్నరపురశతకము తళుకొత్తు విచిత్రక నవ్వీళ్ళకు ప్రక్షీణారులు సుగ్రీవద్రుమభగదత్తాదులు నూర్గురురాజులు హరునితోడి విరహంబునఁ బార్వతి యప్పర్వతమునఁ దప మొనరించెను పురహరుఁడు కిరాతాకృతిఁ గైకొనెఁ బూర్వంబున నాభూధరమందును జంబూద్వీపముఁ గలయఁ గనుంగొని శంకరుఁ డచ్చట గిరిజాయతుఁడై యంబుజముఖు లచ్చరలకు నిరవై యలరు నుమావన మగ్గిరి నొక్కటి యావనవాటికలోఁ బరమేశ్వరుఁ డర్ధనారిరూపముఁ గైకొనియెను దేవసేనపతి గుహశరవణమును దేజరిల్లుచున్నది యచ్చోటనె క్రౌంచపుష్కరచిత్రాంతరమునఁ దత్కార్తికేయునిఁ బట్టము గట్టుట కాంచు సిద్ధమునిగణసంచారము కాలాపగ్రామం బాతూర్పున.

⁠ 144

క.⁠

తుహినగిరిమీఁద మెఱయును, మహిమ భృగూద్దాలపులహమార్కండేయ ద్రుహిణతనూజులు మొదలగు, మహర్షిపుపుంగవులయాశ్రమసహస్రంబుల్.

⁠ 145

సీ.⁠

మఱియు మేరువుపడమట నున్ననిషధాద్రిమధ్యకూటము హరిమనికిపట్టు తద్గిరియుత్తరతటమున విలసిల్లు ముప్పదియోజనములవిరివిని

⁠