పుట:రాజశేఖరచరిత్రము (మాదయగారి మల్లన్న).pdf/18

14

రాజశేఖరచరిత్రము

⁠

గామధేనువు వానింటి గాడి పసర మల్లసురశాఖి వానింటి మల్లెచెట్టు.

⁠ 65

సీ.⁠

నవరత్నమయభూషణములు దాల్చినవారు                        సింహాసనస్థులై చెలగువారు పరతత్వవాసనాపరత గాంచినవారు                        నిఖిలవిద్యాప్రౌఢి నెరయువారు చిరకాలజీవులై క్షేమమొందెడువారు                        వితరణ విఖ్యాతి వెలయువారు బంధుమిత్రస్ఫూర్తిఁ బాయకుండెడువారు                        బహుపుత్త్రలాభంబుఁ బడయువారు

⁠

గీ.⁠

చక్కదనమున వన్నెకు నెక్కువారు తొంటి మేనుల సద్భక్తి తొంగలింప కాశికానాథుఁ గామారిఁ గాలకంఠు పూజ చేసినవారెపో పువ్వుబోఁడి.

⁠ 66

సీ.⁠

కడలేని సంసారజడధిలో మునిఁగిన                        జనులపాలిటి నావ శంభుసేవ కడుదూరమైయున్న కైవల్యసీమకుఁ                        జక్కని పెనుద్రోవ శంభుసేవ యతిభోగభాగ్యంబు లనుముత్తియంబుల                        సరులఁగూర్చిన కోవ శంభుసేవ సకలాగమజ్ఞానసారమహీజాత                        జాతంబులో చేవ శంభుసేవ

⁠

గీ.⁠

నిరవధిక్రూరపాతకదురవగాహ గహనదహనసమున్నిద్రగంధవాహ సఖశిఖామాలికలఠేవ శంభుసేవ (సద్గుణలతాంతముల తీవ శంభుసేవ.)

⁠ 67