| క. |
రెండవ రతి సతి సుమకో
దండుని మూఁడవభుజంబు దర్సకు తుర్యో
ద్దండతరశక్తి శుకవే
దండుని యైదవబలాంగ మారవశరమే.
| 105
|
| సీ. |
భవజటాటవిఁ గట్టువడకున్న శశిరేఖ
బ్రమరిచేఁ ద్రొక్కుడువడని తమ్మి
సూదివాటులు లేని సుగుణరత్నశలాక
కై నంట మాయని కలికి యద్ద
మొకపూట నే తావి యుడివోని విరిదండ
పైఁబెట్టు సోకని పసిఁడికుండ
దినగండములు లేని తేటవెన్నెల సోగ
పొడి పొడిగాని కప్పురపుఁగుప్ప
|
|
| గీ. |
యే నేరసు లేని యయ్యింతి దాని యమిత
కళ నిటలదీర్ఘనయనముల్ కమ్మమోవి
తరుణ గండద్వయామ్లానతనుపృథుకుచ
మండలాజడహాసము ల్మధురవాణి.
| 106
|
106. భ్రమరి = ఆడుతుమ్మెద. కైన్ = చేతిచే. కలికి = సొగసైన, పైఁబెట్టుసోకని = మీఁద దెబ్బదగలని, నెరసు = కళంకము. ఆయింతి వెనుకఁ జెప్పినవానివలె నున్నది. మఱియు దాని నిటలము మొదలగువి వరుసగా చంద్రకళ మొదలగువానివలె నున్నవియనుట.
| క. |
గంభీర నాభినటనా
రంభకళారంభయూరురంభాస్తంభో
త్తంభితకుంభికర తరమె
జంభ కుచం బొగడ జంభసంభేధి కహా.
| 107
|
