సీ. |
అంగనాగాత్రాదిసంగోపమానంబు
ననవిల్తు సాన దీరిన లకోరి
స్తుతసంకుమదగంధచూర్ణసౌరభదాత
రాచిల్కదొర యెల్లి ప్రాపు దెలియ
ఆధ్వన్యచేతోహుతాశనవ్యజనంబు
బుడుత తెమ్మెరకును విడిన దంట
రత్యంతతాంతహృద్రసపునస్థితికర్త
చిదుమంగఁ దలకెక్కఁ జేయు దంట
|
|
గీ. |
గర్వితారామభూమ్యలంకారకారి
చూడఁగలవాని చెలికాని జోడుకోడె
శోభనస్వాంతనామధేయాభినవము
క్రొవ్వి యయ్యెడఁ గ్రొవ్విరి నివ్వటిల్లె.
| 76
|
76. ఎల్లి = గొడుగు, చూడ...కోడె = మన్మథునికి మిత్రుడైన వసంతునికి సహాయుడైనది. శోభ...నవము = సుమనారి అను పేరుచేత నొప్పునది.
క. |
అంతట నుపవనకేళీ
సాంతత్యంబునకు మానసారధరిత్రీ
కాంతకుమారి యవంతియ
వంతియపురి నుండి యమితవనితావృతయై.
| 77
|
సీ. |
కర్ణాటి యొకతె చెంగావిపావడ వేయఁ
గరహాటి యొకతె బాగా లొసంగ
గాంధారి యొక్కతె కాళంజిచే నంద
ద్రమిడి యొక్కతె వీజనము వహింప
సౌరాష్ట్ర యొక్కతె చమరవాలముఁ బూన
|
|