| సీ. |
ప్రసవకోదండుండు పాశంబు దగిలింప
నెగయు మిణుంగురుతెగ లనంగ
జైత్రయాత్రోన్ముఖస్మరునిపై సౌధాశ
రా'జముఖు ల్చల్లులాజ లనఁగ
శంబరారికి వినోదంబుఁ జూపఁగ నంబ
రంబాను పువ్వుబాణంబు లనఁగఁ
దెంపుమై మరుఁడు నిలింపాంగనల నొంప
నంపిన వెలిదమ్మియమ్ము లనఁగ
|
|
| గీ. |
సుమశరునితూఁపు లమరీకుచములఁ దాఁక
దివికిఁ దెగి వ్రాలు హారమౌక్తికము లనఁగఁ
బాంథజయలబ్ధదర్పకప్రబలకీర్తి
హీరము లను జుక్కి లెల్లెడల నిక్కె.
| 7
|
7. సౌధాశరాజముఖులు = దేవతాస్త్రీలు
| చ. |
చలువలరచ్చపట్టు జలజంబులతుట్టు విరాలికల్కి ప్రో
గులకనుకుట్టు జక్కవలగొట్టు చకోరులమేలియట్టు రే
పొలఁతుక తాళిబొట్టు తమపుందడకట్టు సరోజసౌధముల్
గల చెలితోడఁబుట్టు తొలుగట్టుపయిం గనుపట్టు నంతటన్.
| 8
|
8. తుట్టు = వినాశకుఁడు. కనుకట్టు = నేత్రబాధకుఁడు. గొట్టు = విరోధి. తాళిబొట్టు = మంగళసూత్రములోని సువర్ణాలంకారము. తడకట్టు = అడ్డగింపు.
