| ఉ. |
జారసమస్తచోరతతి జాతర ఘూకదృగంజనంబు తా
రారమణీయహీరమణిరాజితశాణము దీధికాచర
ద్వారజరావతీతరుణతాప్రదమూలిక లోకదృష్టి కా
సారసకందమంధతమసం బెసఁగెం దశదిక్తటంబులన్.
| 5
|
5. కందము = మేఘము.
| సీ. |
ధరభేది సంకెలల్ దప్పించుకొని వచ్చి
కానకుండఁ జరించు ఘన మనంగఁ
గడతత్త్వ మిటమోవఁ గడమయే యేనని
మొదటితత్త్వము మిన్ను ముట్టె ననఁగ
తముఁ గనకుండ బంధకులు చల్లు కనీని
కానికాయవిభావికాస మనఁగ
నెలతగు ల్గోరి రే నెలత మజ్జనమాడి
యార విప్పిన కుంతలాళి యనఁగ
|
|
| గీ. |
జలధిలో మిత్రుఁ బడఁ ద్రోచు కలుష కలన
నంటు కాలంబు మొగము నల్పనఁగ దండ్రి
సూడుఁ ద్రిప్పఁగ సమయంబుఁ జుట్టికొన్న
యమున యనఁ జీకువాల్ జగం బాక్రమించె.
| 6
|
6. కడతత్త్వము = భూమి (ఈలాగునంతయు మోయుచుండ నేను చివరదాననై యుండనా యని మొదటిదైన యాకాశమును గలసిన దన్నట్లు) చీకువాలు = చీకటి.
