|
చంచువుకొనఁ దమ్మిఁ జించి చేకొని వచ్చి
కట్టాణిమ్రుగ్గులు బెట్టె హంసి
అకరముల్ గొన్ని మేయకమున్నె దేవపూ
జకుఁ దెచ్చు జలజముల్ చక్రవాకి
ఘోణహతినిఁ గూర్చి వేణుతండులకంద
మూలబృందము లిచ్చు ముందె కిటియు
|
|
గీ. |
సమయములు గాచి సంయమిసార్వభౌముఁ
డారగించినమీఁద రామాయణంబు
శారి యర్థంబు వినుపింపఁ గీరి చదువు
నేమి చెప్పెద మునివనీభూమి మహిమ.
| 82
|
82. చంచువు = పిట్టముట్టె, అకరముల్ =పద్మకింజల్కములు, ఘోణ = పందిముక్కు, కిటి = అడవిపంది, కీరి = ఆడుచిలుక.
గీ. |
నీలకంఠతనూభవవ్యాలకంబు
సతతశార్దూలవాసస్ఫురితవృషంబు
పంచముఖలాలితమృగంబుఁ గాంచె నపుడు
నృపుఁడు శివమూలధనము నా తపసివనము.
| 83
|
క. |
అటఁ జూచి యటవి దక్షిణ
తటమునఁ దనదండు డించి తటుకున జటిరా
డుటజకుటదర్శనాతి
స్ఫట మతి నటియింప నరుగుచోఁటుల నెదుటన్.
| 84
|
సీ. |
“అణుది త్సవర్ణశ్య చాప్రత్యయ” యటంచు
వ్యాఖ్యానమాను వైయాకరణులు
హస్తచేష్టలఁ “బర్వతోగ్నిమా” నని రేఁగి
కర్కశోక్తులు బల్కు తర్కవేత్త
|
|