పుట:రాజగోపాలవిలాసము (చెంగల్వ కాళయ).pdf/94

శ్రీరాజగోపాలవిలాసము

9

సీ.⁠

తీగెమెఱుంగులతీరున నిరుగడ                  వరుస బంగారుపావడలు మెఱయ పఱుపుగా వలగొన్న భానుమండలముల                  హరువున నపరంజిహరిగె లమర మొగిలుమొత్తంబులు మోహరించినరీతిఁ                  బ్రమ్ము సాంబ్రాణిధూపమ్ము లలర విద్యావిశేషముల్ వేఱ్వేఱ వివరించు                  హవణికబిరుదవాద్యములు మొరయ

⁠

గీ.⁠

వీరవేంకటరాయ పృథ్వీమహేంద్ర దత్త బహువిధబిరుదముల్ దనరుచుండ సముఖమున నిల్చి యాముద్దు 'చంద్రరేఖ' వివిధవిద్యలు వినిపించె వింతయనఁగ.

⁠ 22

సీ.⁠

చౌపదకేలిక 'రూపవతీ'కాంత                  శబ్దచూడామణి 'చంపకాఖ్య' చెలువగు జక్కణి చెలువ 'మూర్తివధూటి'                  కొరవు 'కోమలవల్లి' గురునితంబ నవపదంబులు 'లోకనాయికా' లోలాక్షి                  యలదేశి 'శశిరేఖి' కాబ్జనయన దరుపదంబులు 'రత్నగిరి' నితంబినియును                  పేరణి విధము 'భాగీరథి' యును

⁠

గీ.⁠

మదనపదదూత్యనవరత్నమాలికాది బహువిధాలక్ష్యనాట్యప్రపంచమెల్ల ఘనత విలసిల్ల తక్కినకాంతలెల్ల నభినయించిరి తనునేర్పు లతిశయిల్ల.

⁠ 23