పుట:రాజగోపాలవిలాసము (చెంగల్వ కాళయ).pdf/175

90

శ్రీరాజగోపాలవిలాసము

మ.⁠

జలజాతాయతనేత్రి! యే నొకనిమేషంబైన నిం జూడ కే నిలువ న్నేర్తునే! యెట్లు దోచె మది సందేహంబు నావల్ల నే తలఁపుల్ లేవని కిట్లు ప్రోషితసతీధర్మంబు వాటించి లో దలఁకంగా నిపు డేటికంచు హరి యత్యంతానురాగంబునన్.

⁠ 23

క.⁠

అని యీరీతిని బలుకుల నెనరులు చిలుకుచును మానినీమణిహృదయం బనురాగంబునఁ దేల్పుచు మనసిజసందీప్యమానమానసుఁ డగుచున్.

⁠ 24

చ.⁠

నిలుపఁగరానిమోహమున నీరజలోచనఁ జేర్చి కౌఁగిటన్ చలువలు గుల్కు క్రొవ్విరులశయ్యకు నొయ్యనఁ దార్చి తేనియల్ చిలికెడుమోవి పల్మొనలచేఁ గసిగాటులు సేసి వీనులం జిలిబిలి ముద్దుబల్కులనుఁ జేర్పుచు నేర్పులు పల్లవింపఁగన్.

⁠ 25

క.⁠

వరరాచకేళిఁ దేలిరి చెలువయు చెలువుండు వింతచెలువము మీఱన్ కలరవగళరవములకుం కలరవములు మెచ్చ పొగడఁగా నవ్వేళన్.

⁠ 26

స్వాధీనపతిక - సత్యభామ

సీ.⁠

బటువుగుబ్బలమీఁది పయ్యంట లరజార                  రమణులు మణిచామరములు వీవ తారహారంబులు పేరెముల్ వారంగ                  వనితలు వలిపెపావడలు వైవ

⁠