పుట:రాజగోపాలవిలాసము (చెంగల్వ కాళయ).pdf/174

శ్రీరాజగోపాలవిలాసము

89

గీ.⁠

అనుచుఁ బలికెడువేళ నయ్యంబుజాక్షు మేని జవ్వాదిపస కదంబించ దిశల నాయకునిరాక యరయఁగఁ బోయివచ్చు ననుఁగునెచ్చెలి వల్కె నయ్యతివతోడ.

⁠ 18

ఉ.⁠

హెచ్చెను దిగ్విభాగముల నెల్లెడ మేని జవాదివాసనల్ వచ్చెను నాథుఁ డీనగరివాకిటికి న్నెఱరాజసంబుతో మెచ్చవె యింకనైన మెరమెచ్చుల సుద్దులు వల్క నెన్నడున్ పచ్చనవింటివేల్పునకు భామిని! జాతర సేయు మింకిటన్.

⁠ 19

గీ.⁠

అనుచుఁ బలికెడువేళ కంసాసురారి మందహాసంబు చెక్కులఁ గందళింప వలిపె వలిదుప్పటీవల్లెవాటుతోడ మెల్లమెల్లనె చెలియున్న మేడఁ జేరి.

⁠ 20

మ.⁠

కలవీణారణనాంకకంకణగణక్వాణంబు రాణింపగా కులుకుంజన్నుల సాలుపైయ్యెదల కొంగుల్ జాఱు నొయ్యారముల్ మొలవంజూచు మిటారిచూపులను సొంపుల్ నింపుచున్ గుంపులై కలకంఠుల్ రతనంపుటారతు లొసంగం జూచి యుప్పొంగుచున్.

⁠ 21

గీ.⁠

రాజసము మీఱ గక్షాంతరములు గడచి విరహకాతరయై యున్న వెలఁదిఁ జూచి చిలికిచూపుల వలపులు చిగురులొత్తఁ బలికెఁ బలుకులఁ గపురంపుఁబలుకు లొలుక.

⁠ 22