పుట:రాజగోపాలవిలాసము (చెంగల్వ కాళయ).pdf/160

శ్రీరాజగోపాలవిలాసము

75

సీ.⁠

కుటిలకుంతల! నీదుకురులు చిక్కులఁ బడ్డ                  దాఁటులు వేయదె తేఁటిదాటు కాంత! నీయూరుపు లింత వేఁడిమి గన్న                  నామోదిగాదె మందానిలంబు పడఁతి! నీవెన్నంటు జడను గాంచినఁ జూచి                  కేకలు వేయవే కేకులెల్ల నింతి! నీనెమ్మొగ మించుక వాడిన                  చాల మిన్నందదే చంద్రబింబ

⁠

గీ.⁠

మలుకవూనంగ నీ విప్పు డంబుజాక్షి! విన్ననై యున్నవిట్టి నీవేళ చూచి గెలువ దమకించు నివియెల్లఁ గేలి సేసి పగలు నీఁగుట యొక్కక్కపట్లఁ గాదె!

⁠ 51

గీ.⁠

అనుచుఁ దా పల్కుపల్కుల కాత్మలోని కలఁకఁ దేఱిన చూపులఁ గమలనయన యించుకించుక తనుఁ జూచు టెఱిఁగి విభుఁడు నిండువేడుకతోడ నానెలఁత నంత.

⁠ 52

ఉ.⁠

చక్కనిసిబ్బెపుంగులుకు జక్కవగుబ్బలనుబ్బు మీఱఁగా నక్కున నొక్కి చొక్కి దరహాసము మోమున నంకురింప వేఁ జెక్కునఁ జెక్కు చేర్చి రతిచిన్నెల వన్నెల వాఁడిగోరులన్ నెక్కొన గ్రక్కునన్ గళల నెన్నెలవుల్ గరఁగించ కాంతయున్.

⁠ 53

శా.⁠

సంభోగశ్రమబిందువుల్ ముఖవిధుస్వచ్ఛామృతస్యందమై సంభావింపఁగ లోచనాబ్జములపజ్జన్ బెన్నెఱుల్ గుంపులై యంభోజమ్ముల వ్రాలు తుమ్మెదల యెయ్యారంబు చాటింపఁగా పుంభావంబున నాథుఁ దేల్చె పులకల్ పుంఖానుపుంఖంబుగన్.

⁠ 54