పుట:రాజగోపాలవిలాసము (చెంగల్వ కాళయ).pdf/159

74

శ్రీరాజగోపాలవిలాసము

⁠

బెదరించవదియేమి? బెళకుచూపులచేత                  దాటడు మగతేంట్ల దాఁటు నిపుడు నిరసించ వది యేమి? నిద్దంపుమోవిచే                  నిగనిగమను మావిచిగురు నిపుడు

⁠

గీ.⁠

కోకకుచ! నీవు నామీఁదఁ గోప ముంచి యూరకుండిన నింట నే నుండ దరమె? వాటివగ లెన్న తొల్లింటివలపు నించి మించి కౌఁగిట నను గారవించరాదె?

⁠ 47

మ.⁠

అలివేణీ! నను నీవు మన్ననలు సేయన్ నమ్మి యేపట్ల నీ చెలులన్ వేఁడమి నీ వెఱుంగుదువె? నీచిత్తంబులో నిప్పు డీ కలఁకల్ పుట్టెడివేళ చూచుకొని యేకార్యంబు బోధించిరో? కలవే! యిట్టివి లోకమందు మరి యౌఁగాముల్ విచారింపవే?

⁠ 48

ఉ.⁠

వాడినమోముతోడ నెనవచ్చును చంద్రుఁడు సారసాక్షి! నీ వీడినసోగపెన్నెరుల వెంటఁబడున్ సమదాళులంచు నేఁ జూడఁగఁజాల కావిధము సూచనఁ జేసితి నింతె మన్మథ క్రీడలకన్న నీదు కిలికించిత మేమిటఁ దక్కువయ్యెనే?

⁠ 49

మ.⁠

సుమనస్సాయకలోలచాపమదఖర్జూతర్జనల్ సేయునీ బొమ పొల్పంబు తదీయబాణముల సొంపుల్ వంపు వాల్ జూపులుం బ్రమదాంభోనిధిఁ దేల్చె సౌఖ్యముల నాపాదించె నూహించగా రమణీ! కోపము సేయునట్టి యుపకారం బెన్నఁగా శక్యమే?

⁠ 50